Foz, 29 de xullo, 2019. As xornadas de historia local organizadas pola asociación cultural A Pomba do Arco continúan hoxe martes 30 de xullo ás 20:30 na casa da cultura “Poeta Manuel María” de Foz cunha palestra a cargo do historiador e investigador Carlos Pereira Martínez titulada “A masonería na Mariña nos séculos XIX e XX”. Pereira Martínez, licenciado en historia, doutorando en historia medieval e actualmente traballando na súa tese de doutaremento sobre “A orde do templo no Reino de Galiza”. Asemade é autor dunha abondosa obra bibliográfica centrada fundamentalmente na Idade Media e na época contemporánea, fundamentalmente na república e a represión, sendo actualmente unha das voces máis autorizadas no ámbito dos estudos sobre a masonería, con diversos traballos publicados en diferentes medios galegos. A este respecto merece unha particular relevancia a serie de biografías sobre masóns relevantes na historia de Galiza e as súas achegas a análise deste movemento nas tres primeiras décadas do século XX.
A palestra de Carlos Pereira comezará cunha reflexión sobre o que é a masonería, para entrar a continuación na análise da implantación da mesma na Mariña de Lugo no século XIX, recollendo as noticias dunha posible loxa en Ribadeo no Trienio Constitucional e outra en Viveiro a finais de século, e continuando co estudo das loxas documentadas nese século: en Ribadeo, as loxas “Perfección nº 89” (1873-1876) e “La Fortaleza nº 82” (1891-1894), e en Mondoñedo a “Vallibria Redempta nº 397/nº 7” (1888-1892), da que foi figura destacada o médico e escritor Manuel Leiras Pulpeiro. Finalizará este apartado referido ao século XIX recollendo a presenza de militares masóns oriundos da Mariña nas dúas primeras loxas da historia de Galicia, as coruñesas “Logia Constitucional de la Reunión Española” (1814) e a loxa militar “Los Amigos del Orden” (1817), así como noutras loxas galegas, españolas ou cubanas, dedicando unhas liñas á destacada figura do ribadense Segundo Moreno Barcia.
A conferencia continuará cun repaso a influencia da masonería na Mariña nas tres primeiras décadas do século XX, rematando o seu percorrido en 1936, cando se inicia unha forte persecución dos membros da mesma por parte da dictadura fascista. Segundo Pereira “ sinalaronse as das loxas existentes no século XX, como foron o triángulo “Fraternidad Humana nº 75” de Viveiro e a loxa “Hijos de Hirám, nº 17” de O Vicedo, porén existiron masóns noutros concellos mariñáns como Viveiro, Ourol, Ribadeo, Mondoñedo ou Foz que non pertencían a loxas da comarca malia residir na zona, formando parte de agrupacións existentes en A Coruña, Ferrol ou Lugo, como o alcalde ribandense Fernández Cardoso”. A palestra de Pereira rematara cunha pequena achega ao que foi a represión da masonería na zona, así como a , a importantísima figura de Augusto Barcia Trelles.
As xornadas terán continuidade mañá mércores 31 de xullo ás 20:30 na casa da cultura “Poeta Manuel María” de Foz co ensaísta e investigador Francisco Rodríguez Sánchez, que impartirá unha palestra titulada “O século XIV. Un momento decisivo para A Mariña”, onde nos achegará a unha centuria chave para entender a realidade da nosa comarca. Rodríguez, autor dunha ampla produción bibliográfica no ámbito dos estudos sociolingüísticos, literario e históricos, até o punto de que algunhas das súas obras son referencias inescusábeis nestes materias, explicaranos os cambios que se producen en Galiza e na nosa comarca no contexto dos enfrontamentos da guerra dos cen anos e do petrismo e o trastamarismo. A consecuencia destes feitos nacerá o Condado de Ribadeo, entregado por Enrique de Trastamara ao mercenario francés Pierre Villaines que o apoiou na guerra contra os galegos, a revolta dos veciños de Viveiro contra o bispo de Mondoñedo e a consecución da vila de reguengo ou a clausura do porto da Masma polos Trastamará, que fanará as posibilidades do desenvolvemento comercial de Foz.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
