Lourenzá, 19 de xullo, 2019. O pasado 25 de Maio celebráronse as eleccións municipais que deron paso ás novas corporacións e nós recibimos a responsabilidade que a confianza dos votos dos veciños/as nos deu.
Dende o BNG de Lourenzá durante a campaña electoral comprometémonos a que pasase o que pasase tentaríamos facer unha política máis próxima no día a día cos veciños/as e aínda que contaremos só con 2 concelleiros, ese compromiso non ficará no aire e traballaremos dende unha oposición responsábel que mire cara a diante e que pense no ben común para facer do noso concello un lugar mellor e máis cómodo para a vida de todos/as.
É por iso que cremos necesario expor 5 medidas que deben ser acometidas durante os primeiros 100 días de mandato da nova corporación municipal , medidas que se afastan de intereses partidistas, e como non pode ser doutra forma atenden as inquedanzas que a veciñanza nos demandou durante os últimos meses.
1ª Arranxo dos principais viais do concello :
Os viais do concello precisan dunha actuación, poderiamos dicir, a gran escala. Comprendemos a dificultade de acometer tal obra cunha marxe de tempo tan curta, máis un comezo sería arranxar os viais que atravesan o centro de Santa María (Travesía da Mariña – Avenida de Mondoñedo…). É de vital importancia dar unha imaxe de concello coidado para facelo máis atractivo a visitantes e veciños e crear así unha base de traballo cara a fomentar o turismo.
2ª Limpieza de cunetas e viais nas parroquias .
Os viais de todo o concello precisan dunha maior dedicación na súa limpeza,
entendemos que durante a época da primavera/verán o tractor municipal debe traballar máis horas, e non só pola maña. A contratación doutro operario que realice esa labor tamén durante o horario de tarde é de vital importancia para ter as parroquias debidamente atendidas.
3ª Punto atención a agricultores e gandeiros.
É necesario que o equipo de goberno cre un punto de atención a agricultores e gandeiros no concello. Nun mundo cada vez máis informatizado e cunha poboación cada vez máis envellecida, encontramos que moitos veciños/as non saben como realizar os trámites necesarios coa administración e chegan a perder así oportunidades para darlle ós seus negocios un maior dinamismo. Debemos coidar do noso agro e da nosa cabana gandeira como motor económico para o noso concello e como sinal de identidade da Galiza do rural. Este punto de atención debe ser un pilar de apoio, tanto informativo como efectivo, para todos aqueles veciños/as que o precisen á hora da realización de trámites administrativos.
4ª Servizo madrugadores.
É de gran importancia e interese común a creación dun servizo de madrugadores na gardería e no colexio público. Galiza enfróntase a unha grande crise que a Xunta parece que non quere ver xa que nada fai para remediala, co agravio que lle supón o rural galego. A crise demográfica é un rodillo que está a pasar polas vilas do interior e temos que tentar
pórlle freo. Dende as corporacións locais temos que traballar para que as nosas vilas sexan atractivas para que as parellas de xente moza que queiran ter nenos/as non se vexan obrigadas a marchar a vivir a concellos limítrofes con máis oportunidades. O servizo de madrugadores axuda a conciliación da vida persoal coa laboral e axuda así ós proxenitores que teñen grandes problemas para poder traballar e deixar ben atendidos os seus meniños.
5ª Apertura do ximnasio municipal.
Lourenzá ten a gran sorte de contar cunhas escolas deportivas con gran
recoñecemento no país, os nosos deportistas levan o nome da vila e déixano ben alto alí por onde pasan. É por iso que debemos seguir a potenciar a vía do deporte, por unha banda dar a coñecer o concello fora da nosa comarca e por outra que os nosos mozos/as medren nos valores do deporte. Por estes motivos deben poder contar cun ximnasio municipal que lles axude a completar os seus adestramentos. Así como darlle un espazo a todo veciño/a
que desexe facer exercicio, que poida facelo na súa vila sen necesidade de desprazarse a outros concellos limítrofes.
O BNG de Lourenzá pide cinco medidas de urxencia
Relacionado
-
A Deputación aproba acordos e contratacións para ofrecer máis e mellores servizos á veciñanza cun investimento de case 2M€
-
María José Gómez define os gandeiros como “garantes dunha parte moi importante da identidade de Galicia”
-
Loureiro destaca “a capacidade do Porto de Celeiro para facer fronte aos problemas e os cambios do sector pesqueiro”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
