Lugo, 17 de xullo, 2019. Os grupos do PSdeG-PSOE e do B.N.G. na Deputación de Lugo acordan asinar un pacto de goberno para o mandato 2019-2023, cuxas liñas xerais se recollen no presente documento:
A asistencia, cooperación e colaboración cos concellos reafírmase como a competencia nuclear da Deputación, presidida polo mutuo recoñecemento entre iguais, garantindo que a autonomía municipal sexa realmente efectiva. Apostaremos por impulsar a maior transferencia de recursos económicos posibles aos concellos respectando as singularidades que lles son propias. Todo isto enmarcado dentro dun sistema racional e eficiente que procure prestar en rede os mellores servizos á cidadanía a un menor custe.
Un eixo fundamental de traballo será a procura do adelgazamento das deputacións, emprazando a Xunta a iniciar e comprometerse en procesos sobre o traspaso de infraestruturas, equipamentos, centros e servizos que deban ser transferidos á comunidade autónoma. Isto farase respectando en todo momento os dereitos laborais das traballadoras e traballadores dos centros e servizos que resultaran afectados.
O acordo de goberno, alén de servir para poñer en valor a cultura do diálogo e do consenso na vida pública, baséase en posibles políticas que primen o aspecto transformador destas sobre a realidade social, destacando o aspecto ético na xestión do público, garantindo a participación da sociedade civil na práctica do goberno e dando resposta eficaz ás diferentes problemáticas da cidadanía.
Socialistas e nacionalistas apostamos por un goberno na Deputación de Lugo que dea resposta a novos retos orientados ás necesidades das maiorías sociais.
Poñendo en valor a vontade cidadá, o Partido Socialista de Galicia-PSOE e o Bloque Nacionalista Galego expresan o seu compromiso compartido de levar a cabo as seguintes medidas de xeito transversal:
1. Afianzar o principio de cooperación interinstitucional co obxectivo de garantir a prestación dun mínimo de servizos públicos comúns homoxéneos en toda a provincia, e de realizar un aproveitamento e administración máis eficaz dos recursos públicos.
2. Garantir os principios da ética e a transparencia na gobernación pública da institución provincial.
3. Aplicar a normativa do uso lingua galega e mellorar os recursos existentes para desenvolver unha verdadeira política de Normalización lingüística, utilizando o galego en toda a documentación interna e externa e facendo uso da nosa lingua todas as persoas que exerzan cargos públicos cando representen á institución.
4. Garantir o uso da linguaxe inclusiva na documentación xerada na institución.
5. Estudar o impacto de xénero en todas as accións que se realicen, impulsando aquelas medidas que se consideren prioritarias do Plan de Acción das Políticas de Igualdade.
6. Estudar e apostar por medidas de concienciación medioambiental que conxuguen a aposta pola xestión e o desenvolvemento do territorio e o respecto polo mantemento e singularidade deste.
7. Impulsar a aplicación da Lei da Memoria Histórica e fomentar as accións para o seu coñecemento
8. Apostas como a anterior garantirán a presenza das persoas no seu territorio contribuíndo ao asentamento da poboación e con iso freando o despoboamento que afecta ao noso rural.
Compromisos programáticos e medidas a curto prazo
1. Crear dunha vicepresidencia única que manteña as competencias
recollidas no Regulamento Orgánico e na lexislación vixente.
2. Mellorar a celeridade das accións administrativas coa delegación de sinatura para todas as áreas.
3. Mellorar os trámites internos mediante a adaptación do Regulamento Orgánico
4. Transferir á Xunta aquelas competencias que lle son impropias ao ente provincial para o cumprimento dos seus fins
5. Limitar a partir do ano 2020, a 5% máximo do orzamento inicial as cantidades dedicadas a subvencións excepcionais, xustificando en todo caso o interese xeral
6. Incrementar significativamente a porcentaxe dedicada ao Plan Único para os Concellos, para acadar ao término do mandato o 25% de incremento sobre o destinado no ano 2019. Isto farase sempre e cando non se reduza o orzamento da Deputación; ademais incrementaranse ao Plan Único, ata chegar a esa porcentaxe, os recursos liberados das transferencias á Xunta das competencias impropias.
7. Traballar para disolver coa máxima celeridade a Sociedade Pública Mercantil, SUPLUSA
8. Dado que a Deputación se ve obrigada a soster a rede provincial de estradas máis ampla do Estado, é imprescindible completar o proceso de transferencias coa Xunta de Galicia e os concellos, regulando as casuísticas obsoletas e actualizando a titularidade das Administracións sobre as estradas na provincia.
9. O Goberno provincial instará as Administracións competentes a completar o mapa de estradas e camiños de ferro que garantan a mobilidade provincial presente e futura.
10. Manter a colaboración co Campus Universitario de Lugo, co-financiando diferentes programas. Soster liñas de colaboración coa Universidade Nacional de Educación a Distancia nos centros de Lugo, Monforte, Viveiro e Foz.
11. Apoiar o sector agropecuario para incrementar a súa produtividade e beneficio, establecendo redes de servizos que diminúan os custes e melloren a calidade de vida, garantindo a súa permanencia no rural.
12. Continuar apoiando o tecido asociativo provincial -baixo criterios obxectivos, transparentes e democráticos apostando polas subvencións en réxime de concorrencia competitiva, con fin de que sigan a desenvolver unha programación propia que poña en valor os seus recursos.
13. Promover e facer rendibles os recursos turísticos, patrimoniais e históricos coordinando os sectores público-privado mediante o Plan de Turismo Provincial existente.
14. Implementar novos mecanismos que faciliten a participación da cidadanía na vida pública, achegando a institución á sociedade.
PROPOSTA DE ORGANIZACIÓN DA DEPUTACIÓN DE LUGO PARA O MANDATO 2019-2023
Aspectos organizativos
A Deputación de Lugo organizarase con base nun goberno de coalición composto polo PSdeG-PSOE e o BNG.
Por tanto propomos unha estrutura que permita conformar unha maioría de goberno que garanta a aplicación dos principios e compromisos pactados, polo que o Partido Socialista de Galicia-PSOE e o Bloque Nacionalista Galego ACORDAN formar un goberno de coalición na Deputación Provincial de Lugo, cos seguintes criterios:
1. A Presidencia será proposta polo PSdeG-PSOE
2. A Vicepresidencia será proposta polo BNG.
3. A Xunta Local de Goberno estará composta por nove membros
7 membros propostos polo PSdeG-PSOE (incluída a persoa que exerza a Presidencia)
2 membros do BNG (incluída a persoa que exerza a Vicepresidencia)
Tratará e resolverá por consenso todos os asuntos políticos antes da súa xestión, ou de seren levados ao Pleno da Corporación. Terá lugar semanalmente o venres ás 11h.
4. A Xunta de Portavoces estará composta polas persoas voceiras dos grupos políticos con representación na Deputación. Celébraranse segundo o recollido no Regulamento Orgánico da Deputación
5. As Competencias de Goberno serán distribuídas do seguinte xeito:
PSdeG-PSOE: PROMOCION ECONÓMICA E SOCIAL, INNOVACION E TICs, PARTICIPACION CIDADÁ E TRANSPARENCIA, ENSINO, ECONOMIA DO COÑECEMENTO, IGUALDADE, XESTION TERRITORIAL E PARQUE MOBIL, GOBERNO INTERIOR, ASUNTOS XERAIS E FORMACIÓN, ECONOMIA, RECADACION, FACENDA E ESPECIAL DE CONTAS, PROMOCION DO TERRITORIO E TURISMO, COOPERACIÓN E ASISTENCIA AOS CONCELLOS, MEDIO AMBIENTE (INCLÚE A GRANXA-CENTRO DE RECRÍA GAYOSO CASTRO E A FINCA DE TOR)
BNG: DEPORTES, CULTURA, PATRIMONIO HISTÓRICO E ARTÍSTICO (REDE MUSEÍSTICA PROVINCIAL), ARTESANÍA E DESEÑO (CENTRAD), NORMALIZACIÓN LINGÜÍSTICA, MEDIO RURAL E DO MAR E MOCIDADE
Este reparto de competencias definirase por áreas previa celebración do Pleno de Organización
6. As Comisións estarán integradas por oito membros
A persoa que exerza a presidencia de cada comisión
Tres (3) do Partido Popular
Tres (3) do PSdeG-PSOE
Unha (1) do BNG
As/os deputadas/os que non tiveren dedicación exclusiva poderán cobrar por asistencia ás comisións.
7. O réxime de sesións do Pleno será de un pleno ordinario cada mes coincidindo co último martes de cada mes
8. Os tres grupos políticos contarán con local e medios técnicos, económicos e humanos para desenvolver o seu traballo.
9. No ámbito da Deputación de Lugo constituirase unha comisión integrada por representantes dos dous grupos no goberno para seguimento de acordos e toma de decisións con carácter xeral, que manterá encontros semanais.
Asinado en Lugo, 17 de xullo de 2019
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
