Cervo, 5 de xullo de 2019. A sesión plenaria celebrada na tarde de onte en Cervo permitiu, cos únicos votos do Partido Popular, aprobar asignacións económicas para o grupo de goberno que incrementan o gasto anual con respecto a Hai catro anos nun 60%. Isto suporá un gasto por riba dos 160.000 euros ao ano. O Partido Popular tamén aprobou a contratación como persoal de confianza dun gabinete de prensa e propaganda, que estará ao servizo da alcaldía e do grupo de goberno, cun gasto anual de 24.000 euros. O portavoz municipal nacionalista, Diego Fernández, logrou sacar adiante a creación da Comisión de Urbanismo e Patrimonio para impulso do PXOM, que leva 14 anos parado, e o coidado e recuperación do cuantioso patrimonio cultural do concello.
O BNG SACA ADIANTE A PROPOSTA PARA CREAR UNHA COMISIÓN INFORMATIVA DE URBANISMO E PATRIMONIO PARA IMPULSO DO PXOM, E O COIDADO E RECUPARACIÓN DO PATRIMONIO CULTURAL
Diego Fernández mostrou a súa satisfacción o aprobarse por unanimidade a proposta nacionalista para crear unha comisión informativa de urbanismo e patrimonio co fin de impulsar a redacción do Plan Xeral de Ordenación Municipal e velar polo coidado, protección e recuperación do valioso e cuantioso patrimonio cultural do concello.
O nacionalista explicou que “o documento do PXOM de Cervo leva 14 anos parado sen un so trámite administrativo cando é unha peza fundamental para ordenar o futuro do concello”. Diego Fernández tamén xustificou a petición para crear esta comisión para evitar desfeitas como a sucedida no Castro da Atalaia, que non tería sucedido de terse aprobado o PXOM, ou para tratar de tomar as mellores decisións para o coidado e recuperación do patrimonio, tanto desde un punto de vista cultural como económico polos importantes beneficios que pode reportar ao concello.
O GRUPO DE GOBERNO DO PP PARASITARÁ AS ARCAS PÚBLICAS MUNICIPAIS CON SEIS DOS SETE EDÍS COBRANDO DA FACENDA PÚBLICA
O portavoz nacionalista, Diego Fernández, acusou ao alcalde e ao seu grupo de “ser un goberno que parasita as arcas públicas até o punto de resolverlle a vida a seis das sete persoas que o compoñen”. Dáse a circunstancia, afirmou Fernández, que “o único concelleiro do PP que non vai cobrar da facenda municipal é o único que ten emprego propio fóra da institución municipal”.
Diego Fernández sostivo, acolléndose á información oficial, que o custe do grupo de goberno do PP incrementarase nun 60% con respecto a hai catro anos e superará os 160.000 euros anuais, “algo inasumíbel nun concello de pouco mais de 4.000 habitantes”.
Catro edís do PP contarán con dedicacións cun custe anual de máis de 123.000 euros, outras dúas cobrarán por asistencias a Xuntas de Goberno 150 euros por sesión, que de celebrarse ordinarias suporán un gasto de 7.200 euros ano, aínda que a previsión seguindo a norma dos últimos anos será multiplicar as sesións por dous ou tres coa convocatoria de Xuntas de Goberno extraordinarias. O gasto do grupo de goberno complétase coa contratación dun posto de persoal de confianza nomeado pola alcaldía cun custe anual de 24.160 euros para prensa e comunicación municipal, pero que na práctica funciona como órgano de prensa e propaganda do grupo de goberno e mesmo do Partido Popular de Cervo, como xa se comprobou en numerosas ocasións.
CERVO É O ÚNICO CONCELLO DA PROVINCIA XUNTO CON LUGO CAPITAL QUE CONTA CON GABINETE DE PRENSA AO SERVIZO DA ALCALDÍA, ADEMAIS NOMEADO COMO PERSOAL DE CONFIANZA
Diego Fernández, acusou ao PP de desvergoña política no uso das arcas públicas e insistiu no cualificativo de goberno parásito, xa que só un dos seus edís conta con traballo propio e non cobrará da institución municipal. Malia as preguntas do edil nacionalista, o alcalde e a portavoz do grupo de goberno foron incapaces de xustificar a excepcionalidade da creación da praza de asesora do gabinete de prensa, tal como esixe a Lei de Racionalidade e Sustentabilidade da Administración Local ou o Art. 104bis da LRBRL para concello de 2000 a 5000 habitantes.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
