Lugo 3-7-19. O Deputado de Turismo en funcións, Eduardo Vidal Baamonde, avanzou este mércores a programación do ciclo Experimenta que promove o Goberno da Deputación completamente gratuíto, en colaboración co grupo Tele-Clube de Lugo. No acto estivo acompañado de Chus Rodríguez, representante desta Asociación, que anunciou moitas sorpresas neste ciclo. “Trátase dunha pioneira iniciativa cultural co fin de sumar novas ofertas culturais á cidade, e facémolo, a través de propostas que quedan fora do circuíto actual pola singularidade das pezas ou polas novidades que conlevan”, explicou o Deputado.
Vidal Baamonde remarcou que “un dos obxectivos do ciclo Experimenta é dinamizar a relación entre as persoas a través do encontro entre as diferentes artes impulsando a participación social. Polo tanto, serán tres xornadas na capital da provincia totalmente novidosas e impáctante para todos os visitantes”.
“A programación comeza o día 24 de xullo a partir das 20:30 horas con Púlsar, que inclúe unha performance na Sala de exposicións da Deputación que dirixen Javier Martin e Luis Casanova. O día 25 de xullo haberá un espectáculo de música electrónica e audiovisuais da man de San Jerónimo que son María Mieres e Nacho Iglesias. E o dia 26, nos xardíns da Deputación, pecha o ciclo Elle Belga (Slowcore)”, sinalou.
O Deputado convidou “a todos os lucenses e visitantes a achegarse ao Pazo de San Marcos nestas datas e desfrutar das últimas propostas do panorama cultural, a través dun programa que enlaza a música con outras disciplinas artísticas coa intención de achegalas ao publico, utilizando espazos emblemáticos e históricos como neste caso o Pazo de San Marcos”.
Programación
A sala de Exposicións e os Xardíns do Pazo de San Marcos serán o escenario desta novidosa proposta cultural que se celebrará os dias 24, 25 e 26 de xullo na capital da provincia. Esta iniciativa nace a través do grupo lucense Tele-Clube, unha asociación que pretende revitalizar os barrios e zonas periféricas a través de actuacións musicais e outras actividades culturais. A programación é a seguinte;
24 de xullo (música e danza)
A partir das 20:30 horas comeza o ciclo con Púlsar, que inclúe unha performance na Sala de exposicións da Deputación que dirixen Javier Martin e Luis Casanova. Javier Martín, coreógrafo e investigador, e Luís Casanova, percusionista de grupos como GUERREIRA ou holywater, darán vida a unha performance con PÚLSAR, unha improvisación a nivel de música e movemento.
25 de xullo (música electrónica e audiovisuais)
Espectáculo de música electrónica e audiovisuais da man de San Jerónimo que son María Mieres e Nacho Iglesias. El Sur é o recente disco desta banda e conta cunha das coleccións de cancións máis emocionantes e reais que escoitamos en moito tempo.
26 de xullo (murmurio, guitarras acústicas e percusión)
Os Xardíns da Deputación acollen a actuación de Elle Belga (Slowcore), do que forman parte Fany Álvarez e José Luis García. O seu ultimo proxecto é Refuxio, feito a base rítmica e a melodía, que segue sendo o alicerce da composición. A través de sons inquietantes e letras dunha serenidade conmovedora, penétranse nun repouso ficticio e bastante perturbador.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
