Lugo, 2 de xullo de 2019. A subdelegada do Goberno, Isabel Rodríguez, deu a benvida hoxe aos gardas civís que farán na provincia de Lugo as prácticas coas que completarán a súa formación.
Isabel Rodríguez, que estivo acompañada polo coronel xefe da Comandancia da Garda Civil, Miguel Ángel González Arias, saudou a unha pequena representación dos 21 gardas civís en prácticas destinados á nosa provincia, que se incorporan coincidindo coa Operación Verán
A subdelegada deulles a benvida e desexoulles o maior aproveitamento do tempo no que completarán aquí a súa formación. Lembroulles que, aínda que Lugo se mantén a cabeza nas taxas de seguridade, o labor que ten encomendado a Garda Civil para a protección da comunidade é fundamental.
Tamén explicou que coa súa incorporación en prácticas ao servizo os novos axentes actuarán como reforzo nos distintos cuarteis, precisamente nun momento no que comezan as vacacións de verán, coa conseguinte afluencia de visitantes e de peregrinos, así como as numerosas festas que teñen lugar na provincia fai máis necesario este reforzo.
A subdelegada do Goberno destacou que este ano aumenta o número de gardas civís destinados a Lugo para facer as súas prácticas. Son dous máis que en anos anteriores, procedentes tanto da Academia de Baeza (que chegaron a semana pasada), como do Colexio de Valdemoro (que se incorporaron onte) e están distribuídos en 14 cuarteis da provincia.
Concretamente, foron destinados aos postos de Burela, Chantada, Mondoñedo, Monforte, Palas de Rei, A Pastoriza, Pedrafita do Cebreiro, Ribadeo, Sarria, Vilalba, Viveiro, Castro de Rei, Foz e Becerreá.
Tres dos 21 axentes que completarán aquí a súa formación son mulleres. A maioría deles son orixinarios da provincia de Lugo, pero tamén hai algúns de Asturias, A Coruña, Madrid e Barcelona.
Os gardas civís de prácticas darán apoio nos distintos cuarteis e completarán a súa formación ata setembro de 2020.
A subdelegada anunciou ademais que nos próximos días darase a benvida aos policías de prácticas que se van incorporar de novo este ano á nosa provincia.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
