Ribadeo, 25 de xuño de 2019. O voceiro do Grupo Municipal do PP de Ribadeo, Daniel Vega, asegura que “Ribadeo puido ofrecer cursos de formación para socorristas, pero non solicitou esta formación que a Xunta imparte tódolos anos de xeito totalmente gratuíto tanto para os Concellos que a solicitan coma para o alumnado participante”. É máis, “tampouco solicitou os cursos para a vindeira temporada cando o prazo xa rematou e, polo tanto, en 2020 Ribadeo tampouco ofrecerá esta formación”.
O popular engade, pois, que “é bastante complicado entender ao señor Suárez porque en relación a todo aquilo que el non fai ou que el fai mal bótalle a culpa a outras administracións”. Neste sentido, convídao a “cumprir coas súas responsabilidades porque sería o mellor para Ribadeo”, pero “o certo é que as esqueceu mentres fixo campaña”.
Vega recorda que “o servizo de socorrismo nos areais ribadenses é de competencia municipal” e aínda así, precisamente para paliar a carencia de profesionais, “a Xunta ofrece estes cursos de formación dirixidos principalmente a persoas desempregadas que dan dereito a obter o certificado de profesionalidade”. Así mesmo, o voceiro do PP no municipio lembra que “a Xunta completa e reforza o operativo de socorrismo para Ribadeo financiando con 24.000 euros a contratación de oito socorristas durante dous meses”.
O voceiro do PP ribadense sinala que “os problemas coa contratación de socorristas non son doutras administracións, é un problema do señor Suárez por non solicitar os cursos e non dar opción a formar aos futuros socorristas; mentres a Xunta achega financiamento para a formación e mesmo para a contratación de socorristas”.
Vontade colaboradora da Xunta
O popular tamén engade que “a Xunta sempre mostrou vontade por colaborar”. Incluso nos últimos días “a administración autonómica e a Fegamp analizaron nunha xuntanza posibles medidas que permitan paliar a escaseza de persoal para a tempada de verán coma a creación dunha bolsa centralizada de socorristas na Academia Galega de Seguridade Pública ou a posibilidade de facilitar a acreditación de certos colectivos como os que estudan Tafad ou INEF, ou crear figuras de auxiliares, como na Policía Local, que complementen o traballo de socorristas”.
“Menos botar culpas e máis solucionar problemas”
Vega esíxelle ao señor Suárez que “solicite os cursos de formación demandados porque, deste xeito, non terá ningún problema á hora de contratar profesionais”. É máis, pon como exemplo Concellos coma o de Xove que “pediu os cursos en tempo e forma e xa conta con socorristas contratados. Menos botar culpas e máis solucionar problemas”, conclúe o popular.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
