Ribadeo, 21 de xuño de 2019. O 23 de xuño arrinca unha nova edición dos Mercados dos Domingos, que se celebrarán na contorna da praza de abastos ata mediados do vindeiro mes de outubro. A cita está organizada polo Concello en colaboración coa asociación de produtores/as da horta A Sucadoira.
O alcalde, Fernando Suárez, dixo que “como cada tempada cos produtos da horta en plena ebullición de verán, volvemos retomar o noso Mercado dos Domingos, un mercado de produtores e produtoras locais, sen intermediarios, achegando así os produtos ás persoas consumidoras, do produtor á mesa poñendo en valor a economía máis próxima, potenciando o consumo de tempada e saudable, coidando do medio e con garantías de calidade e frescura”.
O rexedor lembrou que “o Mercado dos Domingos está organizado polo Concello de Ribadeo en colaboración coa asociación de produtores/as da horta de A Sucadoira e ten lugar no exterior da praza de abastos de todas as mañás dos domingos de 9:00 a 14:00 horas”. Da comezo este vindeiro domingo, 23 de xuño, e rematará coa celebración da Feira da Horta previsiblemente o 13 de outubro.
Suárez Barcia contou que “no Mercado dos Domingos haberá 13 postos cunha oferta ben diversificada: todos procedentes da zona, no que reinan os produtos da horta procedentes de Ribadeo e no que tamén poderemos atopar: coitelería, pan, ostras, queixo, embutidos, zumes, doces, cervexas, entre outras cousas”.
Ana Díaz, a presidenta de A Sucadoira, subliñou que “imos encontrar todo o produto de proximidade, todo colleitado pola mesma persoa que vai vender, todo fresco e recollido da noite ou de pola mañá. É un produto que non vai á cámara, todo natural. Os produtores de pan, de carne e todo o demais teñen que producilo eles tamén para poder vir vender. O domingo imos encontrar toda a mercancía ben fresquiña”.
Díaz referiuse ao éxito que ten o Mercado dos Domingos entre os turistas: “nas grandes cidades non hai posibilidade de comprar unha leituga que se corte pola mañá a primeira hora ou pola noite a última hora, é totalmente diferente o sabor e todo”.
O alcalde ribadense anima “a todas as persoas, de aquí e de acolá, a consumir produtos deste mercado, xa que inxectaremos beneficios na nosa economía local, comeremos mellor e axudaremos aos pequenos agricultores e produtores da zona”.
Neste 2019 o Mercado dos Domingos virá acompañado dunha intensa axenda coa celebración da Festa do Produto Local, a Festa do Pemento e coa xa coñecida Festa da Horta, entre outros eventos.
O 23 de xuño arrinca unha nova edición dos mercados dos domingos en Ribadeo na que os produtos da horta local serán os protagonistas
Relacionado
-
O PP pedirá o apoio na Deputación para esixir ao Goberno central a convocatoria da mesa de Alcoa e medidas de apoio para garantir a viabilidade da planta da Mariña
-
O PP pedirá o apoio na Deputación para esixir ao Goberno central a convocatoria da mesa de Alcoa e medidas de apoio para garantir a viabilidade da planta da Mariña
-
O alcalde de Foz e a concelleira de Asuntos Sociais falaron da residencia de maiores co xerente do Consorcio Galego de Igualdade e Benestar
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
