A Mariña, 17 de xuño de 2019. A campaña da FCAM Merca na Mariña, desvirtualízate promocionouse a nivel nacional no programa Gente Viajera, que por segundo ano consecutivo se realizou para toda España desde esta comarca. O ano pasado fíxose desde A Mariña Virtual, situada no Cenima en Foz, e neste 2019 desde o salón de plenos do Concello de Burela.
O presidente da Federación de Comercio A Mariña, José Carlos Paleo, estivo no programa conversando coa súa directora Esther Eiros e co xornalista catalán Carles Lamelo sobre a importancia que ten para os pobos que se fagan as compras no comercio local e do bo momento polo que está a atravesar o turismo nesta comarca, aínda que pensa que quedan moitas cousas facer. Paleo aludiu á necesidade do traballo conxunto entre administracións, asociacións e negocios e falou das múltiples posibilidades que ten A Mariña.
O equipo do programa, visitou en Burela o barco museo Reina del Carmen e o paseo marítimo ata A Marosa e en Foz o castro de Fazouro e o paseo marítimo que vai desde A Rapadoira ata Llas. Durante as dúas horas de emisión desde A Mariña os seus colaboradores falaron dos cascos históricos de Ribadeo, Viveiro e Mondoñedo, do bonito e da pescada de Burela, da faba de Lourenzá, das conservas, de postres como a tarta de Mondoñedo, a zapata de San Gonzalo ou a réplica en chocolate da Basílica de San Martiño.
A historia, as praias, a gastronomía… estiveron presentes en Gente Viajera da man de Enrique Domínguez Uceta, Víctor Herranz, Quique del Olmo y Ángel Martínez Bermejo.
Polo programa pasaron tamén o presidente da Mancomunidade de Municipios da Mariña, Alfredo Llano, a conselleira do Mar, Rosa Quintana, e o xerente de Armadores de Burela, Miguel Neira. Ducias de persoas achegáronse ata Burela para presenciar a emisión en directo de Gente Viajera, que dirixe a pastoricense Esther Eiros.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
