Barreiros 12-6-19. O BNG é consciente de que a veciñanza de Barreiros o pasado 26 de maio falou con claridade para derrotar o goberno do Partido Popular. A nosa organización é portadora da confianza da maioría de veciñas e veciños para levar adiante un goberno municipal que cambie radicalmente o funcionamento e a xestión municipal.
Conscientes da responsabilidade que nos outorgaron o pasado 26 de maio, consideramos que é labor das representantes públicas que se presentaron como alternativa ao PP, colaborar para que se cumpra a vontade veciñal.
Temos por diante a oportunidade histórica de desterrar de Barreiros o caciquismo e o amiguismo instalado neste concello a costa de empeñar á veciñanza. A oportunidade de acabar coas políticas dos intereses particulares pasando por riba do ben común. Desaproveitar tal oportunidade sería deixar tiradas a todas as persoas que o pasado 26 de maio perderon o medo a loitar pola liberdade e a democracia en Barreiros. É tempo de facer do noso un concello aberto, no que o goberno sexa da xente e para a xente. É tempo de abrirlle as portas a un concello democrático e participativo e de pecharllas ás malas prácticas, ao medo e ás presións.
Non se entendería unha posición enquistada que impedira que o sábado 15 de xuño se dea cumprimento ao desexo maioritario do pobo de Barreiros; polo que o BNG quere amosar xenerosidade en beneficio do conxunto de Barreiros e poñendo por diante de intereses persoais ou partidistas a vontade popular.
Partindo destas premisas, atendendo ao mandato popular e á vista das posicións iniciais manifestadas polo PSOE no encontro mantido con anterioridade, desde o BNG camiñamos na vía do encontro e o entendemento co obxectivo claro e diáfano: apartar ao Partido Popular e a súa xestión da vida diaria do Concello de Barreiros. Por iso, chegamos ao segundo encontro tendo reconsiderado a posición de inicio e amosando altura de miras e responsabilidade para conquerir o obxectivo final desexado pola maioría das veciñas e veciños.
Nese sentido, trasladámoslle ao Partido Socialista a posibilidade de formar parte do goberno municipal, integrándose no mesmo como responsable da concellería de asuntos sociais e formando parte da xunta de goberno local, podendo ostentar a segunda tenencia de alcaldía.
Consideramos que a oferta é xenerosa e adecuada á representatividade obtida por cada unha das formacións; ademais de responsable á vista da situación económica existente no Concello de Barreiros.
O BNG de Barreiros ofrece ao PSOE entrar no goberno
Relacionado
-
A alcaldesa de Vilalba, Marta Rouco, úrxelle á Xunta unha solución para a situación da estación de autobuses e do transporte escolar no municipio
-
O PP esixe a PSOE e BNG a adopción de medidas de seguridade viaria na LU-P-0701, que asume todo o tráfico procedente da costa coas obras da A6
-
A Deputación aproba acordos e contratacións para ofrecer máis e mellores servizos á veciñanza cun investimento de case 2M€
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
