Ribadeo, 5 de xuño de 2019. Mañá, 6 de xuño, ás 12:00 horas presentaranse no salón de plenos do Concello varios proxectos desenvoltos integramente polo alumnado da especialidade de dinamización, programación e desenvolvemento de accións culturais no marco do obradoiro dual de emprego Ribadeo co Camiño, que se está a levar a cabo dende o mes de novembro do ano 2018.
O que se busca con todas estas iniciativas é pór en valor o tramo ribadense do Camiño de Santiago empregando as novas tecnoloxías como mecanismo de difusión.
Segundo explican desde a Concellaría de Desenvolvemento Local, Turismo e Comercio “estes traballos permitirán aos peregrinos ou a calquera persoa coñecer mellor o tramo do Camiño de Santiago ao seu paso por Ribadeo, porta de entrada en Galicia do Camiño Norte, e descubrir parte do rico patrimonio histórico, cultural e artístico que atesoura este municipio”.
No acto de mañá participarán o alcalde, Fernando Suárez, a concelleira Ana Martínez, a directora do obradoiro Ribadeo no Camino, Maitane Aránguiz, monitores e alumnado. Está convidada a esta presentación a comisión que levou a cabo a proposta para a declaración da Festa das Cruces como festa de interese turístico galego.
Os traballos a presentar son os seguintes:
1. Oito audioguías en catro idiomas: español, galego, inglés e francés.
Os Contidos das audioguías son:
1ª audioguía: O tramo do Camiño de Santiago ao seu paso por Ribadeo.
2ª audioguía: O peirao de Porcillán, a aduana vella, o mirador e a capela da Atalaia.
3ª audioguía: A praza de España: o Pazo de Ibáñez, Torre dos Moreno, Igrexia de Santa Maria e convento de Santa Clara.
4ª audioguía: A capela de San Lázaro / hospitais de peregrinos
5ª audioguía: O Barrio de A Ponte / a festividade das Cruces e a Igrexa de Arante.
6ª audioguía: O exvoto mariñeiro (muro sur. Igrexa da nosa Señora das Virtudes)
7ª audioguía: pinturas marianas (muro norte. Igrexa da nosa Señora das Virtudes)
8ª audioguía: Arco Triunfal e altar maior (Igrexa da nosa Señora das Virtudes)
Cóntase que unha vez remate o obradoiro a finais de xullo, todas as audioguías estean dispoñibles en dous idiomas máis: portugués e vasco.
2º- Video promocional do camiño, proxecto audiovisual de tres minutos de duración no que se recollen os atractivos do tramo do camiño de Santiago ao se paso polo municipio.
3º . Visita virtual á capela da Nosa Señora das Virtudes, unha das grandes xoias do patrimonio histórico, artístico, cultural e espiritual ribadense pola riqueza das súas pinturas murais, entre as que se atopa o único exvoto mariñeiro que hai en toda Galicia.
4º Video 3D do tramo do camiño e a capela de Arante.
Desde a Concellaría de Desenvolvemento Local, Turismo e Comercio engaden que “todos estes traballos estarán proximamente dispoñibles na páxina web de Turismo do Concello e no caso da visita virtual á Capela da Nosa Señora das Virtudes tamén, a través dun código qr que se colocará na porta da mesma capela”.
No mes de xuño – xullo os traballos do Obradoiro do Camiño a través do modulo de dinamización continuaran coa atención ao peregrino na capela de Arante e na oficina de Turismo. Tamén se levarán a cabo uns talleres de divulgación a través da posta en marcha do Semana Verde no Camiño dirixidos aos mais pequenos.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
