Lugo, 29 de maio de 2019. O Presidente en funcións, Darío Campos Conde, informou este martes que a Deputación reforza a labor social da provincia colaborando cunha vintena de entidades que ofrece atención profesional a uns 3.500 veciños. Así o avanzou logo de manter un encontro con representantes de distintos colectivos sociais no que asinaron senllos convenios de colaboración por un valor total de 214.000 euros cos que financiar distintos proxectos sociais na provincia.
Campos Conde explicou que “con estas axudas contribuímos á actividade que estes colectivos desenvolven ao longo do noso territorio, ofrecendo atención profesional a milleiros de veciños e chegando onde as administracións públicas coas competencias non chegan. Dende a Deputación, iniciamos hai 4 anos un camiño que non ten volta atrás, o de reforzar o conxunto do tecido asociativo lucense no seu conxunto pois é de xustiza”.
Son un total de 16 entidades e colectivos sociais sen ánimo de lucro os que se benefician destas axudas:
– Asociación de Familiares de Enfermos de Alzheimer de Lugo (AFALU) recibe 23.000 euros cos que realizar actividades de estimulación cognitiva e asumir parte dos custes do seu centro de atención.
– Federación de Asociacións de Familiares e Persoas con Enfermidade Mental (FEAFES), recibe 35.000 euros para un programa de intermediación laboral e prácticas laborais de ordenanzas.
– Integración Xitana recibe 10.000 euros para a rehabilitación de vivendas.
– Asociación Penitenciaria Concepción Arenal recibe 24.000 euros para un programa de reinserción laboral.
– Asociación Lucense de Axuda a Enfermos Mentais (ALUME) recibe 32.000 euros para un obradoiro de formación prelaboral e para a atención doméstica daqueles usuarios que viven no rural.
– Asociación de Dano Cerebral de Lugo (ADACE) recibe 12.000 euros para cubrir os gastos do centro de día da capital luguesa e para a contratación dun neuropsicólogo.
– Asociación de Persoas Xordas de Lugo (ASORLU) recibe 23.000 euros para a contratación dun intérprete.
– A Asociación Bonhomia recibe unha axuda de 2.000 euros para a posta en marcha na provincia de Lugo dun proxecto de sensibilización co que promover unha visión crítica sobre cuestións referidas ás desigualdades por razón de xénero, cultura, economía, etc.
– Asociación Somos Unidos contra el Cáncer recibe 3.600 euros para sufragar os gastos de aluguer dun piso de acollida para enfermos e familiares de persoas con esta doenza.
– Asociación de Familiares de Enfermos de Alzheimer de Chantada (AFA Chantada) reciben 10.000 euros para a atención asistencial a persoas afectadas e aos seus familiares.
– Down Lugo recibe 12.000 euros cos que financiar o programa de promoción da autonomía persoal e social en vivendas comunitarias.
– Confederación Galega de Persoas con Discapacidade recibe 5.000 euros para financiar o proxecto de dinamización de asociacións de discapacitados da provincia.
– Asociación Lucense de Fibromialxia recibe 3.000 euros cos que colaborar na atención de persoas que sofren esta doenza.
– Asociación Escola Shantidi recibe 5.000 euros cos que colaborar en programas específicos de nutrición e escolarización de cativos en situación de marxinalidade na India.
– Asociación de Alcohólicos Rehabilitados de Chantada (ARCHA) con 7.800 euros para financiar o programa específico de atención a persoas con adición aos alcohol.
– Asociación de Persoas con discapacidade de Monforte de Lemos (AGORA) recibe 7.500 euros co que realizou actividades de estimulación cognitiva e habilidades sociais para persoas con discapacidade de Comarca de Lemos.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
