Burela, 23 de maio de 2019.- “A partires do día 26, se somos a opción de goberno elixida polos veciños e veciñas da nosa vila, apostaremos forte para que en Burela se cree emprego, se xere riqueza e se fixe e asente poboación: non chega con slogans nin con boas palabras, hai que procurar que non pechen ou fuxan empresas, e hai que facilitar que aquelas que busquen asentarse se decidan por este concello. En definitiva, garantiremos que as empresas atopen facilidades para asentarse en Burela”. Así o indica o alcaldable popular, Manuel Rouco, quen sinala que “un dos nosos obxectivos é que o noso municipio deixe de perder empresas, que se van a outros concellos, e mirar de atraer aquelas que estean pensando onde asentarse”.
Por iso, adianta, “incentivaremos fiscalmente ese asentamento, acolléndonos ao programa de ‘Concellos emprendedores’ posto en marcha pola Xunta de Galicia. Para iso, traballaremos para desenvolver o solo empresarial que hai no Plano Xeral de Ordenación Municipal: o primeiro que demandan as empresas é solo para asentarse e pouco gasto fiscal”.
Para o candidato popular, os incentivos fiscais pasan por revisar á baixa todos os impostos e taxas dependentes da entidade local que afectan á actividade empresarial. Deste xeito, considera que toda rebaixa impositiva e fiscal que faga o Concello sobre as empresas significará maior capacidade das mesmas para a xeración de emprego.
Manuel Rouco considera que a incorporación de Burela ao programa de ‘Concellos emprendedores’ ou programa ‘Doing bussines’ da Xunta de Galicia só pode traer beneficios para as empresas e para o concello. Tal é así que as PEMES atoparán menos fiscalidade municipal, e o concello non perdería ingresos, xa que, sinala, “o que se perde por un lado gañaríamolo por outro, ao aumentar as empresas abertas e asentadas en Burela. Por outro lado, a Xunta discrimina positivamente nas súas subvencións aos ‘concellos emprendedores’, co que as vantaxes para o concello son evidentes”, afirma.
O PSOE non fixo nada co polígono
Rouco lamenta que “Llano non fixera nada en relación co parque empresarial do Perdouro”. Proba delo, é que só hai un par de documentos ao respecto no Concello, un deles que xa deixou o goberno do PP en 2015; “sobre este asunto, Llano nada fixo”. Pero é que ademais o PSOE e o BNG rexeitaron na sesión plenaria do 30 de novembro de 2017 unha moción do PP sobre a inclusión do noso concello no programa ‘Concellos emprendedores’, chegando a dicir o candidato socialista que se estaba estudando a viabilidade de adhesión; “o que nos leva a comprobar que, unha vez máis, enganou á cidadanía porque non se fixo ningún estudio ao respecto”, sentencia.
O candidato popular á alcaldía sinala que este municipio “non pode perder o tren do futuro”. “Burela nestes momentos está estancada, deixou de ser o motor demográfico da Mariña, a pesar de ter unha media de idade das máis baixas de Galicia. E en canto a facilidades para asentamento de empresas, hai concellos que claramente nos están a coller a dianteira por culpa de Llano, do PSOE e do BNG. Polo tanto o desenvolvemento de Burela debe de ser unha realidade e non só unha promesa”, insiste.
Remodelación estacións de autobuses
Noutra orde de asuntos, Manuel Rouco tamén quere poñer en valor o investimento que fará a Xunta de Galicia na remodelación integral da estacións de autobuses. Son en total 70.300 euros, cos estas instalacións mellorarán notablemente. A este respecto, o cabeza de lista do PP sinala que “o compromiso do Goberno galego é máis que palpable co noso concello”. Por iso, agradece publicamente ao presidente, Alberto Núñez Feijóo, “a súa vontade colaboradora para paliar a nula xestión do Executivo municipal”.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
