Cervo, 15 de maio de 2019. O BNG de Cervo denuncia que a súa páxina de Facebook foi bloqueada na mañá de hoxe. Diego Fernández, candidato á alcaldía, confirma que xa se iniciaron os trámites coa rede social para informar de que a páxina do BNG se utiliza como mecanismo de comunicación coa cidadanía, sempre respectando as normas que marca Facebook, e polo tanto “os avisos que Facebook recibiu por parte de particulares polo noso suposto uso fraudulento da rede forman parte dun ataque deliberado para silenciarnos e facernos dano”.
Para Fernández, “non é casualidade que este ataque premeditado aconteza durante a campaña electoral, xa que moitas páxinas locais do BNG acaban de ser vítimas desta ofensiva, como por exemplo o BNG Burela, Xove e Barreiros na Comarca da Mariña, e moitas outras en Galiza”. No caso de que Facebook acepte as alegacións do BNG Cervo, tardaríanse 15 horas en recuperar acceso á páxina.
Petulancia e insolencia do PP de Cervo
Desde o BNG de Cervo inciden na importancia que as redes sociais teñen hoxe como xeito de chegar á cidadanía de maneira directa. Este modo de comunicarse contrasta coa petulancia e insolencia doutras formacións como o PP de Cervo, que recentemente repartiu en todas as casas do municipio un boletín propagandístico de 24 páxinas a toda cor para autobombo no que non hai nin unha soa proposta de futuro, así como un folleto para anunciar os 9 mítines previstos entre os días 20 e 24 de maio no Concello.
Ademais, como xa se veu denunciando noutras ocasións, constátase un despilfarro de fondos públicos para fins partidistas, mediante o uso do servizo de prensa municipal para facer propaganda sobre as accións do PP de Cervo. Todo isto nun concello con menos de 5.000 habitantes, que coas súas dimensións “non debera permitirse o luxo de contar con servizo de prensa, máxime cando xa ten 7 concelleiras e concelleiros cobrando das arcas públicas. Isto é un escándalo”, en palabras de Fernández.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
