Foz, 14 de maio de 2019. O Secretario Xeral do Partido Socialista da Provincia de Lugo, Álvaro Santos Ramos, Alcaldes e alcaldables do PSOE en todos os Concellos da Mariña mantiveron este martes un encontro con traballadores do 061 no centro de saúde focense, no que acordaron remitir un manifesto á Xunta solicitando a paralización inmediata do novo contrato para o servizo de transporte sanitario terrestre. Este recolle a supresión dun Técnico de Emerxencias Sanitarias para a ambulancia medicalizada do Concello de Foz, que atende a veciños de toda a Comarca, sendo a única das 10 existentes en Galicia á que lle recortan persoal. O manifesto foi remitido hoxe mesmo á Consellería de Sanidade e á Xerencia coas sinaturas dos 8 Alcaldes do PSOE na Pontenova, Alfoz, Lourenzá, Trabada, Burela, O Valadouro, Viveiro e Ourol, transmitindo o “noso máis severo reproche a este inaceptable recorte de recursos e a nosa esixencia de corrección do mesmo”.
Santos Ramos denunciou “a covardía e o electoralismo do PP con este problema” tras a reunión dos Alcaldes de Foz e Barreiros co Conselleiro de Sanidade. “Almuiña non recibe aos profesionais que traballan no 061 e que coñecen de primeira man as necesidades do servizo, pero si aos seus compañeiros de partido. Isto demostra que ao Conselleiro só lle importa o PP e lle dá igual a situación dos traballadores e dos 72.000 mariñáns. Os veciños de Foz e Barreiros non merecen uns alcaldes que están máis preocupados de saír ben nas fotos que no benestar do conxunto da cidadanía”.
“Dende o PSOE non imos consentir que a Mariña e por conseguinte a provincia sexa unha vez máis atacada polo Partido Popular. Esta decisión, totalmente arbitraria, de suprimir un TES (Técnico de Emerxencias Sanitarias) da ambulancia medicalizada de Foz responde á vontade política de cambiar o sistema e utilizar aos veciños da Mariña como proxecto piloto sen ter en conta a súa saúde. Reclamamos á Xunta que deteña a contratación e abra un novo procedemento no que a Mariña siga contando, cando menos, cos mesmos recursos que calquera outra zona da provincia ou da Comunidade Autónoma. Non pedimos máis, pero tampouco menos. Queremos ser atendidos como no resto de lugares”.
Novo recorte no transporte sanitario para a Mariña tras o feito no 2011
Os socialistas explicaron que se trata dun novo recorte no servizo de transporte sanitario urxente terrestre para os Concellos da Mariña, pois xa no 2011 o PP reduciu o horario da ambulancia de soporte vital básico con base en Foz, pasando de estar operativa as 24 horas a estalo só 12, o que inevitablemente influíu no resto de equipos dispoñibles na Mariña que teñen que acudir no restante horario a cubrir os servizos que non se poden atender dende Foz, precisamente por ese recorte.
Iniciativas presentadas no Parlamento Galego
O PSOE tamén rexistrou na Parlamento Galego varias propostas para paralizar o contrato ofertado pola Xunta de Galicia, así como ampliar o servizo de Ambulancia de Soporte Básico Vital ás 24 horas, tal e como estaba no 2011.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
