A Mariña, 3 de maio de 2019. O equipo de ReTnova, empresa encargada da execución deste programa, estivo ao longo desta semana no IES Monte Castelo, co alumnado de 4º da ESO e PMAR, e no IES Perdouro, co alumnado de 3º da ESO, para levar a cabo a actividade do Programa CATUXA “Intelixencia emocional, social e habilidades persoais”.
Coa realización dun total de cinco sesións deste taller nos dous centros educativos públicos, CATUXA chegou a máis de 100 mozos e mozas de entre 14 e 16 años do Concello de Burela.
Tanto o alumnado como o profesorado de ambos centros, valoraron positivamente e demandaron de maneira aberta mais recursos deste tipo para o coñecemento e mellora da xestión das súas emocións. A sensación logo desta actividade foi de satisfacción pola gran resposta do alumnado e o interese mostrado.
Cabe recalcar a importancia de levar a intelixencia emocional ao sistema educativo para dotar aos e ás adolescentes de recursos para o seu autocoñemento e unha mellor xestións das emocións como base para a promoción de relacións igualitarias e de respecto. Proba diso é o elevado número de centros que optaron por este taller no marco do Programa Catuxa.
Por outra parte, o programa Catuxa continúa nas próximas semanas con novas actividades. Neste sentido, cabe sinalar que o próximo 15 de maio, o equipo do Programa Catuxa estará de novo no Concello de Burela coa actividade “A MIÑA FILLA/ALUMNA SOFRE VIOLENCIA? Punto de encontro familias e profesorado”. O encontro pretende proporcionar ferramentas de detección e intervención con menores en situación de violencia de xénero, xa que este traballo ten que ser conxunto entre familias, profesorado e alumnado.
Está dispoñible o teléfono de atención da Unidade de Xénero para Adolescencia do Programa CATUXA: 604067520
Pódese seguir a actualidade do programa CATUXA en Instagram e Facebook cuxo perfil é @programacatuxa.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
