Burela 27-4-19. O Pescados Rubén Burela FS demostrou unha xornada que pode con todo, na complicada pista do AD Alcorcón (1-2), nunha cita con gran desgaste físico e gran protagonismo de porterías, sobre todo da local. As Guerreiras Laranxas tiveron que traballar ata o final para aferrarse a tres puntos que as manteñen na pugna pola primeira praza, fronte a un rival que aguantou moi ben durante os corenta minutos cunha presión alta.
As pupilas de Julio Delgado e Lucas encamiñaron a cita axina, xa no minuto 2, cun potente disparo de Dany que entrou baixo paus tras dar no largueiro. Con esta vantaxe e dominando o xogo e a posesión, as mariñás, malia dispoñer de numerosas ocasións, non puideron atopar o gol da tranquilidade. A falta de catro minutos, Alcorcón non se conformaba co resultado e apostou por xogo de cinco e en poucos segundos atopou unha excesiva recompensa, co 1-1, con Aida, que desviou un remate de Vane Sotelo, e ata dispuxo doutra oportunidade a porta baleira. O Pescados Rubén respondeu con porteira xogadora, con rapidez e perigo; así, a falta de 30 segundos para a bucina final, Dany volveu facer acto de presenza para recuperar a máis que merecida vitoria para a cuadrícula laranxa.
Descanso de liga
A liga volverá tomar un descanso, coincidindo co X Torneo Internacional 9 de Maio de Moscova. As galegas regresarán o sábado 11 de maio, en Vista Alegre, con duelo irmandiño, ante o Ourense Envialia FSF.
Ficha técnica
AD Alcorcón FSF: Belén, Isa, Pipi, Irene, Vanesa, cinco inicial; tamén xogaron Nerea, Ana, Cyn, Aida, Balle
Pescados Rubén Burela FS: Ana Romero, Dany, Peque, Ba Mateos, Luci, cinco inicial; tamén xogaron Jenny, Cilene, Cami, Lara Balseiro
Goles: 0-1, minuto 2, Dany; 1-1, minuto 37, Aida; 1-2, minuto 40, Dany
Árbitros: Arquero Jordán // Manso Martín. Por Alcorcón amarela a Nerea (minuto 30)
Incidencias: Partido correspondente á xornada 26 de Primeira RFEF Liga Foro 16 Feminismo disputado en Los Cantos.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
