Burela, 16 de abril de 2019. O concelleiro de Turismo en Burela, Ramiro Fernández Rey, subliña que as expectativas para esta Semana Santa son moi boas. A ocupación hoteleira rolda o 100%, a Oficina de Turismo estará aberta estes días ao igual que o barco museo Reina do Carme e ademais as Xeorutas previstas para os días 17, 18, 20 e 21 de abril están a ser un importante reclamo.
O edil burelés declarou que “desde o Concello de Burela, neste caso desde a Delegación de Turismo, imos intentar aproveitar a Semana Santa e ter todos os medios turísticos cos que contamos a disposición para atender a toda a xente que nos vai visitar estes días. A Semana Santa de Burela cada vez está congregando máis xente, está sendo máis chamativa e vai ser un foco de atención importante nestas datas”.
Ramiro Fernández anunciou que “imos ter aberta a oficina de turismo todos estes días, despois da contratación dunha técnico de turismo que está traballando xa nesas instalacións para dar información a todos aqueles que nos queiran visitar. Ademais o barco museo tamén vai estar aberto estes días no seu horario normal, con tres visitas pola mañá e dúas pola tarde. Esperemos que toda a xente que nos visite teña todos estes atractivos dispostos para poder disfrutar deles”.
O concelleiro de Turismo dixo que “as previsións son moi boas. A estimación que teñen os hoteis é rozar o 100% de ocupación, co cal quere dicir que Burela un ano máis segue sendo un referente no tema turístico a nivel da Mariña e esperemos que isto siga así durante os próximos anos. Hai satisfacción nos hostaleiros pola ocupación que prevén e satisfacción tamén no Concello de Burela. Quero invitar a todo o mundo que veña a disfrutar dos nosos atractivos turísticos”.
Fernández Rey lembrou que “outra das iniciativas que puxemos en marcha, xa levamos dous anos con elas, son as Xeorutas. Están tendo un éxito asombroso, como sempre, están tendo moitísima aceptación entre a xente, e a previsión que temos é que as rutas estean ao 100%, co cal é outro dos atractivos que temos que a xente agradece e que lle parece moi interesante”.
A ocupación hoteleira esta Semana Santa en Burela rolda o 100%, segundo os datos facilitados polo concelleiro de turismo
Relacionado
-
Unha persoa sufriu diversas queimaduras ao tratar de prender a cheminea con alcohol en Barreiros
-
‘Unha Vela por ti’, con motivo do 25N, en colaboración con Mujeres en Igualdad de Cervo
-
Castiñeira ve “sospeitoso que outro erro do alcalde lle permitira á empresa licitadora alegar por segunda vez a decisión da Corporación Municipal de non seguir co contrato da residencia mentres non estean claras as axudas aos usuarios”
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
