NOTA DE PRENSA
O Ministerio de Fomento recoñece non ter estudado aínda as alegación presentadas por concellos, veciños e colectivos da Mariña ao Estudo Informativo da VAC
Seis meses despois do remate do prazo para a presentación de alegacións os Ministerio nin as ten resoltas nin asume o diálogo para evitar prexuízos aos concellos afectados
Veiga critica a falta de interese do Ministerio nesta infraestructura de comunicación na que nin pon financiamento nin resolve os trámites administrativos
A Mariña, 25 de febreiro de 2010. O Ministerio de Fomento deu resposta a unha iniciativa presentada polo portavoz do BNG no Congreso dos Deputados, Francisco Jorquera, presentada o 8 de outubro de 2009 na que se solicitaba información referida á resolución das alegacións individuais, colectivas e dos concellos da Mariña, así como preguntas relativas posibilidade de apertura dunha mesa de diálogo co fin de achegar posturas cara a un trazado o menos lesivo posíbel co territorio mariñao afectado polo Estudo Informativo da Autovía de Conexión entre Barreiros e San Cibrao cuxo prazo de alegación rematou o 23 de xullo do 2009. Na resposta ministerial de 15 de febreiro de 2010 recoñécese non ter resolto aínda as alegacións presentadas e tampouco se asume a posibilidade de abrir unha mesa de diálogo cos colectivos e institución alegantes.
Una resposta tardía, desconsiderada e imprudente que demostra a falta de interese do goberno
Para o Portavoz Comarcal do BNG, Antonio Veiga Outeiro, “a resposta ofrecida polo Ministerio ademais de tardía, e desconsiderada e imprudente” xa que contradí o acordado polo Congreso dos Deputados en decembro de 2009 na que todos os grupos parlamentares apoiaron a iniciativa do BNG na que se demandaba o remate deste tramo da VAC Barreiros Ferrol no horizonte de 2014. Veiga fixo mención á tardanza na resolución das alegacións presentadas seis meses despois da súa presentación, para o nacionalista “non e de recibo que un trámite administrativo, no que ademais se negan a abrir o diálogo cos afectados estea aínda sen resolver, a resposta de Fomento deixa claro o desinterese por parte do goberno estatal e adiantar o remate desta infraestrutura”.
A este ritmo e imposíbel o cumprimento dos acordos parlamentares de decembro de 2009
Veiga demandou celeridade por parte do Ministerio na resolución das alegacións que aínda deberá ser informado polo Ministerio de Medio Ambiente, Medio Rural e Mariño, antes da súa aprobación definitiva para despois proceder á presentación do Proxecto Constructivo. Para o nacionalista esta parálise administrativa vai facer imposíbel dar cumprimento ao acordo impulsado polo BNG en decembro de 2009 no que tódolos grupos acordaron instar tanto ao goberno do Estado como á Xunta de Galiza ao remate dos dous tramos da VAC no horizonte de 2014.
Valoración do resultado da reunión da Mesa de Infraestruturas da Mariña
Veiga valorou positivamente o acordo da Mesa de Infraestructuras da Mariña na que se acordas presionar ás dúas administracións a adiantar o remate da VAC no período 2014-2015. O nacionalista deixou claro que para o BNG o acordo a cumprir e o referendado por tódolos grupos políticos tanto en concellos como nas dúas Deputacións provinciais así como no Congreso dos Deputados, que instaban ao remate das obras en 2014, de tódolos xeitos vista a inexistencia dun cronograma por parte do Estado e o retraso da Xunta ao 2017, si a autovía está en funcionamento no 2014 sería unha boa noticia.
Veiga chamou á participación na asemblea que terá lugar o vindeiro sábado en Viveiro
Para o nacionalista a presión social do conxunto da sociedade mariñá e fundamental para acadar o obxectivo de ter unha infraestructura de comunicación que vertebre o norte galego no menor tempo posíbel, “e indispensábel a unión das asociacións veciñais, empresariais, políticas e sindicais para actuar cunha soa voz”. Neste sentido chamou á participación na asemblea que terá lugar o vindeiro sábado ás 13.00hrs. no Teatro Pastor Díaz de Viveiro.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
