Lugo, 9 de xaneiro de 2019. A Administración autonómica apoiou no último ano a 909 empresas lucenses a través de diferentes programas de axudas que permitiron mobilizar na provincia de Lugo investimentos por valor de 140,2 millóns de euros.
O delegado territorial da Xunta, José Manuel Balseiro, fixo balance das achegas concedidas en 2018, que sumaron 42 millóns de euros. “A Xunta é con moita diferenza a Administración que máis está a investir e máis se está a preocupar pola saúde do tecido produtivo da provincia de Lugo”, salientou Balseiro, “destinando fondos a impulsar a actividade e mellorar a competitividade das nosas empresas”.
O delegado apuntou que na provincia de Lugo, “a Xunta presta especial atención a todas aquelas empresas que, dun xeito ou doutro, están relacionadas cos nosos sectores primarios e que son capaces de darlle valor engadido e saída á produción dos nosos gandeiros, agricultores e pescadores, que son un piar fundamental na economía lucense”.
Peso específico do Medio Rural
O sector agrogandeiro tivo un peso específico dentro do conxunto das iniciativas respaldadas polo do Goberno galego. A Consellería do Medio Rural concedeu 34,4 millóns de euros en achegas a 562 empresas, que comprometeron investimentos por 110,5 millóns de euros, con especial atención aos plans de mellora de explotacións e ás empresas alimentarias, de comercialización e transformación dos produtos agrícolas e gandeiros.
Ao mesmo tempo, o Instituto Galego de Promoción Económica (Igape) outorgou 154 achegas por valor de 2,7 millóns de euros a través dos diferentes programas que ten en marcha para facilitar os procesos de creación, consolidación ou crecemento empresarial, fomentando a mobilización de 10,7 millóns de euros.
Balseiro destacou tamén os fondos destinados ao sector do mar, “outra das locomotoras económicas da provincia”, que, segundo explicou, recibiu 2,5 millóns de euros en achegas a 17 empresas para investir 15,5 millón de euros. Así mesmo, a Consellería de Economía, Emprego e Industria beneficiou en total a 152 empresas mediante os plans de apoio ao sector mineiro e outras liñas de axuda como as destinadas a pemes de nova creación, a mellorar a eficiencia enerxética ou a implantar enerxías renovables, entre outras (as achegas sumaron 1,9 millón de euros e o capital mobilizado é de 3 millóns de euros).
Paralelamente, o programa de mellora de infraestruturas hoteleiras da Consellería de Cultura e Turismo chegou a 11 empresas luguesas con axudas por valor de 169.000 euros, e outras 13 foron beneficiarias de 134.000 euros en achegas do Plan Emega de Igualdade, que depende da Vicepresidencia e Consellería de Presidencia, Administracións Públicas e Xustiza.
“O goberno galego”, subliñou Balseiro, “non escatima esforzos á hora de colaborar con empresarios e comerciantes asentados na provincia de Lugo, que cada día se esforzan porque o seu negocio saia adiante, para contribuír a que podan mellorar a súa competitividade e favorecer que continúen a xerar riqueza, crear postos de traballo e axudar a fixar poboación na zona rural”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
