Tal e como explica o alcalde, Rubén García, “reabrimos a bolsa do SAF no día de hoxe e o prazo para presentar instancias estará aberto ata o vindeiro mércores, 16 de abril. As persoas interesadas poden facer o trámite tanto no rexistro das oficinas municipais como na sede electrónica do Concello”.
O rexedor sinala tamén a importancia estratéxica que ten este servizo para o benestar da veciñanza: “Cada vez prestamos servizo a máis persoas maiores no noso Concello, e temos claro que o SAF é un dos principais servizos que ofrecemos. É prioritario porque permite que moitos dos nosos maiores poidan seguir vivindo nas súas casas con atención e coidados profesionais”.
Rubén García destaca ademais que o Concello seguirá apostando por fortalecer este servizo: “Seguiremos medrando pouco a pouco, incorporando máis traballadores e traballadoras para dar resposta á demanda crecente. O SAF é unha ferramenta fundamental para garantir calidade de vida no rural”.