Lugo, 2 de abril de 2025. O Presidente da Deputación de Lugo, José Tomé Roca, manifestou a súa preocupación tras coñecer o anuncio de peche da fábrica de Sargadelos en Cervo, decisión comunicada hoxe polo administrador único da empresa, Segismundo García. “Espero que non se consume o peche, porque non pode haber un peche patronal sen autorización da autoridade laboral. Sería unha perda dun referende industrial e cultural de Galicia”, declarou Tomé, lembrando que, para cesar a actividade, a empresa debería presentar un Expediente de Regulación de Emprego (ERE) extintivo que debe ser autorizado pola Xunta de Galicia ou, no seu defecto, acreditar perdas económicas durante varios exercicios consecutivos.
Tomé Roca considera que este anuncio podería ser “unha medida de presión do propietario fronte á Xunta” e instou ao Goberno galego a actuar con firmeza. “Espero que a Xunta estea á altura das circunstancias e non permita o peche, porque o peche patronal está prohibido por Lei”, incidiu.
Nas súas palabras o mandatario provincial subliña que Sargadelos “é algo máis que unha empresa” e que forma parte do patrimonio industrial e cultural “de todos os lucenses e de todos os galegos”. Por iso, considera imprescindible buscar solucións que garantan a continuidade da actividade e dos postos de traballo.
Así mesmo, valorou as 36 deficiencias detectadas pola Inspección de Traballo e coñecidas nestes día como “moitas”, advertindo de que este historial podería implicar responsabilidades xudiciais para a dirección da empresa.
A Deputación de Lugo seguirá atenta á evolución da situación e fai un chamamento á responsabilidade de todas as partes implicadas para evitar a perda dun referente histórico e económico para a provincia de Lugo e para Galicia.
Segismundo García, administrador, enviou a Inspección de Traballo e Seguridade Social unha carta na que lle comunica que, desde este mércores, procede ao peche da planta de Cervo, onde traballan uns 80 operarios. Faino días despois de que denunciase unha multa de 5.000 euros por 36 deficiencias detectadas.
Terá lugar este venres 4 de Abril as 20,30 horas na sala de exposicións.
Chámase Mary Poppins e vén de integrarse en Acisa. A súa propietaria é Chus Salgado Posada, natural de San Miguel de Reinante e veciña da vila ribadense desde hai dúas décadas.
Terá lugar o xoves 10 de abril, ás 19h, na Biblioteca Pública.
O conselleiro do Mar, Alfonso Villares, asistiu no pavillón Vista Alegre ao partido da Primeira División Iberdrola FS entre o CD Burela FS e o Futsi Atletico Navalcarnero.
Poderán ser beneficiarias destas axudas as persoas físicas titulares de inmobles residencias sitos no termo municipal do concello de Xove en contornas sen rede de saneamento municipal que estean provistos de fosas sépticas ou outros sistemas individuais de xestión de augas residuais en sitios sen rede de sumidoiros municipal. As bases foron públicadas no BOP do 8 de marzo e pódense ver tamen no taboleiro de anuncios do Concello de Xove.
Neste encontro, que se desenvolveu en San Caetano, a conselleira e a alcaldesa abordaron posibles actuacións en materia de vivenda e infraestruturas neste municipio lucense. Allegue e Gueimunde coincidiron na importancia da colaboración entre administracións para impulsar os proxectos que contribúan a mellorar a calidade de vida dos veciños e a reforzar a competitividade do municipio.
