Potenciará o Camiño Norte, propoñendo un itinerario entre a Catedral de Mondoñedo e a Catedral de Santiago a facer en sete etapas
Mondoñedo, 2 de abril, 2025. O proxecto “De Catedral a Catedral”, xurdido a iniciativa popular e que conta co apoio do comercio, a hostalería e restauración local, así como das institucións locais e autonómicas, e da Diocese Mondoñedo Ferrol e da Diocese de Santiago, ponse en marcha a partir deste venres 11.
A presentación da marca “De Catedral a Catedral”, á que acudiran a directiva da xestora así como autoridades civís e eclesiásticas, será o punto de saída desta interesante iniciativa que pretende reforzar a unión entre catedrais e recuperar o espírito cultural da peregrinación a Compostela.
Dende “De Catedral a Catedral” considérase que o Camiño nace como unha peregrinación vinculada á cristiandade, a o occidente cristián, e sobre todo, ligado á cultura europea.
Ademais Mondoñedo, como un dos lugares históricos de Galicia, sempre foi punto de referencia nas vías de tránsito da costa cara ao interior e foi parada obrigada para xentes, ideas e mercancías por ser a Cidade do norte da actual Mariña Lucense.
Por iso, a marca “De Catedral a Catedral” pretende ser unha reivindicación deste papel referente dentro das vías de comunicación galegas e de ser este Camiño un dos que vertebraron Europa.
De Catedral a Catedral vai potenciar o Camiño Norte a Santiago, destacando o tramo final entre Mondoñedo e Santiago de Compostela, as dúas únicas catedrais de Galicia neste Camiño e sendo ademais Mondoñedo, a única catedral entre Santander e Santiago.
Este é pois un camiño en sete etapas que sae de Mondoñedo e percorre os concellos de Abadín, Vilalba, Baamonde, Sobrado dos Monxes, Arzúa, O Pino e remata en Santiago de Compostela. Etapas para coñecer en profundidade Galicia e gozar dunha forma diferente de achegarse ao eixo vertebrador do occidente europeo.
Dende o proxecto “De Catedral a Catedral” quérese convidar a todas aquelas persoas interesadas en coñecelo de primeira man, a que se acheguen a esta presentación, que ten carácter público, e terá lugar na Casa dos Coengos, dentro da Catedral de Mondoñedo, o vindeiro día 11 de abril ás 11h.
Segismundo García, administrador, enviou a Inspección de Traballo e Seguridade Social unha carta na que lle comunica que, desde este mércores, procede ao peche da planta de Cervo, onde traballan uns 80 operarios. Faino días despois de que denunciase unha multa de 5.000 euros por 36 deficiencias detectadas.
Terá lugar este venres 4 de Abril as 20,30 horas na sala de exposicións.
Chámase Mary Poppins e vén de integrarse en Acisa. A súa propietaria é Chus Salgado Posada, natural de San Miguel de Reinante e veciña da vila ribadense desde hai dúas décadas.
Terá lugar o xoves 10 de abril, ás 19h, na Biblioteca Pública.
O conselleiro do Mar, Alfonso Villares, asistiu no pavillón Vista Alegre ao partido da Primeira División Iberdrola FS entre o CD Burela FS e o Futsi Atletico Navalcarnero.
Poderán ser beneficiarias destas axudas as persoas físicas titulares de inmobles residencias sitos no termo municipal do concello de Xove en contornas sen rede de saneamento municipal que estean provistos de fosas sépticas ou outros sistemas individuais de xestión de augas residuais en sitios sen rede de sumidoiros municipal. As bases foron públicadas no BOP do 8 de marzo e pódense ver tamen no taboleiro de anuncios do Concello de Xove.
Neste encontro, que se desenvolveu en San Caetano, a conselleira e a alcaldesa abordaron posibles actuacións en materia de vivenda e infraestruturas neste municipio lucense. Allegue e Gueimunde coincidiron na importancia da colaboración entre administracións para impulsar os proxectos que contribúan a mellorar a calidade de vida dos veciños e a reforzar a competitividade do municipio.
