Foz, 9 de abril de 2025. O Concello de Foz segue traballando na mellora do seu alumeado público. Neste caso renováronse luminarias no parque da Ponte de Ferro, en Fazouro, e no entorno da Basílica de San Martiño, que locen nova iluminación.
“Paso a paso estamos modernizando os alumeados: Foz ten unha rede grande e en moitos puntos cun mal mantemento de anos”, explica Ángel Fernández Neira, concelleiro de Alumeado Público. Neste sentido dende o Concello decidiuse facer unha nova auditoría na rede de alumeado porque “é importante coñecer en profundidade o estado da rede: temos constancia de deficiencias e imos a preparar pregos e toda a documentación necesaria para poder licitar un novo servizo de mantemento que traia aparellados máis investimentos”, indica o alcalde, Fran Cajoto.
O concelleiro Ángel Fernández especifica que “estes días estívose traballando no parque da Ponte de Ferro en Fazouro, no que se realizou unha notable mellora. Elimináronse vellas balizas de chan para colocar novas luminarias e focos en distintos puntos do parque aportando moita máis luz a unha zona onde se pasea moito e en verán se utiliza para comidas de familias, unha reivindicación que realizou o anterior presidente da asociación de veciños, Raúl Río. E no caso da Basílica de San Martiño instaláronse novos focos e arranxáronse algunhas balizas existentes: aínda queda traballo na revisión das luminarias do parque e algunhas de chan, pero a mellora é visible en ambos espazos”.
“Queremos un Foz ben iluminado e coidado”, destaca o alcalde, que engade: “por iso en zonas como a avenida Mar Cantábrico, que contaba cunha iluminación moi pobre, cambiáronse todas as lámpadas por novas luminarias LED que aumentan a luminosidade; tamén se fixo isto na rúa de Lugo e nas rotondas de entrada á vila. Continuamos con estes arranxos en todo o concello. Estamos buscando liñas de financiamento, xa que todas estas actuacións requiren de bastantes recursos. Temos solicitadas sendas subvencións á Xunta de Galicia para renovar instalacións e luminarias no parque empresarial de Fazouro e no Campo da Cabana en Foz e estamos agardando pola súa resolución”, finaliza Fran Cajoto.
Á cita asistiron tamén alcaldes da provincia, como a Alcaldesa de Vilalba Marta Rouco, a Alcaldesa de Guitiriz, Marisol Morandeira e o Alcalde de Fonsagrada, Carlos López. Na xuntanza estiveron así mesmo concelleiros e concelleiras da Terra Chá e da Mariña, así como representantes e militantes de agrupacións socialistas da provincia.
Alfonso Villares participou na foodtruck de Galicia Sabe Amar con motivo do Campionato de Marcha Atletismo, no Complexo Deportivo de A Veiga.
Foi unha noite moi fermosa e divertida no Restaurante A Chave das Noces, onde non faltou unha caricatura feita por Adri Pardo, e unhas xoias para que luza agora nesta nova etapa.
O presunto autor pretendía saír de maneira ilícita do interior dunha fábrica sita en San Cibrao-Cervo, con cinco bloques de aluminio ocultos no interior do seu vehículo. Os feitos foron detectados pola seguridade privada do complexo industrial ao redor das 06.30 horas do pasado día 8, cando o detido pretendía saír das instalacións, alertando os vixiantes á Garda civil, a cal procedeu á detención do infractor. A persoa detida foi posta ao dispor do Xulgado de Instrución un de Viveiro.
Acompañado de persoal doutras categorías xuntouse en defensa dos pacientes
Chámase Galán e xa se integrou na Asociación de Comerciantes, Industriais, Servizos e Autónomos (ACISA). Está especializada exclusivamente en moda masculina cunha coidada selección de confección, punto, roupa interior e complementos e firmas como Pertegaz, Gaea, Berto ou Birdigan.
Trátase da escultura dun cabaliño de mar realizada polo artista de Cedeira Manuel Armada Santalla, coñecido polas súas creacións a partir de materiais reciclados.
