Na previa, Ángel Cobos presentará o libro ‘Memorias de un suicida’, sobre a súa experiencia como paciente con cefaleas en racimo
Burela, 2 de abril, 2025. O dúo compostelán Grampoder presentará o próximo sábado 5 de abril (CS Xebra, 22:00h) en Burela o seu terceiro LP, Amuleto. Antes do concerto, o grupo porá música incidental á presentación do libro Memorias de un suicida: un ensayo sobre el dolor, do autor compostelán Ángel Cobos, un libro no que se conta a súa experiencia como paciente con cefaleas en racimo.
Cun formato mínimo de guitarra eléctrica e batería, Le Roi e Martin Wu, ex compoñentes de The Homens, retratan de novo con melodía e furia as frustracións dunha xeración.
Aproveitando ao máximo os recursos dunha formación mínima, LeRoi (percusión, baixo) e Martin Wu (guitarras, voces) levan máis de dez anos evolucionando sobre o propio escenario. O son contido, próximo ao folk americano e ao tropicalismo, dos seus primeiros traballos deu paso en PM (2022) a un rock escuro e eléctrico. A proposta prolóngase agora con Amuleto (2024), un disco no que Grampoder afondan nas súas obsesións: o tedio vital, a traizón de baixa intensidade aos principios propios, o doloroso paso do tempo e a posición do individuo fronte a un mundo que o impulsa a unha vida irracional e insatisfactoria.
‘Memorias de un suicida’
Pola súa banda, Memorias de un suicida, de Ángel Cobos, é unha viaxe de humor negrísimo polos días interminables de quen padece cefalea en racimos, unha enfermidade que produce un sufrimento máis aló do soportable e que leva a moitos pacientes a desexar a súa propia morte. Editada este ano por Libros Suicidas, a obra repasa a modo de diario unha vida que cambia coas primeiras dores de cabeza, que pronto se converten en crises violentas e desembocan nos tratamentos máis variados, brutais e habitualmente inefectivos..
Segismundo García, administrador, enviou a Inspección de Traballo e Seguridade Social unha carta na que lle comunica que, desde este mércores, procede ao peche da planta de Cervo, onde traballan uns 80 operarios. Faino días despois de que denunciase unha multa de 5.000 euros por 36 deficiencias detectadas.
Terá lugar este venres 4 de Abril as 20,30 horas na sala de exposicións.
Chámase Mary Poppins e vén de integrarse en Acisa. A súa propietaria é Chus Salgado Posada, natural de San Miguel de Reinante e veciña da vila ribadense desde hai dúas décadas.
Terá lugar o xoves 10 de abril, ás 19h, na Biblioteca Pública.
O conselleiro do Mar, Alfonso Villares, asistiu no pavillón Vista Alegre ao partido da Primeira División Iberdrola FS entre o CD Burela FS e o Futsi Atletico Navalcarnero.
Poderán ser beneficiarias destas axudas as persoas físicas titulares de inmobles residencias sitos no termo municipal do concello de Xove en contornas sen rede de saneamento municipal que estean provistos de fosas sépticas ou outros sistemas individuais de xestión de augas residuais en sitios sen rede de sumidoiros municipal. As bases foron públicadas no BOP do 8 de marzo e pódense ver tamen no taboleiro de anuncios do Concello de Xove.
Neste encontro, que se desenvolveu en San Caetano, a conselleira e a alcaldesa abordaron posibles actuacións en materia de vivenda e infraestruturas neste municipio lucense. Allegue e Gueimunde coincidiron na importancia da colaboración entre administracións para impulsar os proxectos que contribúan a mellorar a calidade de vida dos veciños e a reforzar a competitividade do municipio.
