Terán lugar unha serie de actividades na cidade de Mondoñedo, visitas á Cova do Rei Cintolo e a realización, para federad@s, do percorrido “Bucle circular Viana- Niphargus” pola cova máis grande de Galicia, a do Rei Cintolo.
Ás 18:30 do serán presentarase o documental “Espeleoloxía: substantivo feminino”, no que
se reivindica o papel das mulleres na espeleoloxía galega, desde as primeiras xeracións con Lourdes Castiñeira, a mulleres ao fronte de exploracións coma Inma Pumariño e deportistas de alto nivel coma María Luisa Barros.
A espeleoloxía galega é un deporte cunha elevada porcentaxe de mulleres federadas, tendo en conta a media galega no resto dos deportes. A FGE conta cun 35% de mulleres espeleólogas que participan en tódolos ámbitos da vida federativa. A nivel competición, a porcentaxe de mulleres acada o 70% e na Xunta Directiva da FGE existe unha total paridade, pois as mulleres ocupan o 50% das vogalías.