“Paula foi unha socialista comprometida e unha servidora pública incansable. Durante anos, traballou dende o Concello como concelleira, sempre coa vontade de mellorar Lugo e a vida da súa veciñanza. Hai un ano asumiu a Alcaldía con ilusión, responsabilidade e a mesma paixón que sempre puxo ao servizo do ben común”.
“A súa pegada queda en cada proxecto no que se implicou, en cada veciño e veciña aos que escoitou e en cada avance que conseguiu para Lugo. Neste momento de fonda dor, desde o PSOE da provincia Lugo queremos trasladar todo o noso apoio e afecto á súa familia, amizades e compañeiros”.