Arias confirmou que a Axencia de Turismo de Galicia asinará outro ano máis o convenio coa Xunta de Confrarías para apoiar os gastos de promoción e organización das actividades, incluídas as do programa de difusión cultural Adral.
O delegado subliñou o “peso cultural e turístico” da Semana Santa de Viveiro, “que está considerada como unha das máis fermosas de Galicia e destaca polo grande valor histórico e artístico da súas imaxes”. Apuntou tamén que a Xunta “vela pola preservación de todo ese legado patrimonial”, en referencia a actuacións como a restauración da talla do Cristo da Veracruz, realizada o ano pasado pola Consellería de Cultura, Lingua e Xuventude.