A Mariña, 28 de marzo de 2025. A Mariña é xa un referente nacional como destino de turismo de natureza, un enclave estratéxico polas súas singularidades naturais e xeográficas. Esta nova modalidade turística -observación de aves, xeoturismo e observación da natureza- “é un dos grandes activos do territorio e permite atraer novos nichos de mercado, máis especializados e desestacionalizados, que contribúen a xerar desenvolvemento económico sostible ao redor das empresas de turismo”. Así o explicou Ana Ermida, a vicepresidenta da Mancomunidade de Concellos da Mariña Lucense no decurso da inauguración do encontro de observación da natureza natureWatch, que reuniu ata o domingo, 30 de marzo, na Mariña a un amplo grupo de expertos neste campo.
O Centro Sociocultural de Barreiros acolleu os relatorios presenciais desta XXI edición deste encontro de ecoturismo e observación da natureza, xa consolidado no panorama nacional. O programa inclúe tamén un completo programa de visitas de campo coas que coñecer de primeira man a oferta deste territorio no que, en escasos quilómetros, “podemos transitar desde a inmensidade do mar Cantábrico ata a singularidade paisaxística, botánica e xeolóxica da Serra do Xistral”, destacou Ermida.
Un total de 60 persoas, chegadas principalmente de Galicia, pero tamén doutros puntos de España (Andalucía, Aragón, Asturias, Cataluña e Castela a Mancha), tiveron estes días a oportunidade de afondar no coñecemento deste territorio como destino ornitolóxico, xeolóxico e botánico. A meirande parte dos asistentes están vinculados á xestión turística e de produtos, pero tamén hai afeccionados ao turismo de natureza, o que lles permitirá coñecer todas as potencialidades deste territorio para o desenvolvemento do turismo sostible. Asemade, tal como sinalou a vicepresidenta da Mancomunidade, “este evento contribuirá a poñer en valor os recursos naturais do territorio e o tecido empresarial asociado a esta modalidade turística, na que A Mariña Lucense ten un enorme potencial”.
Divulgación e profesionalidade
O evento natureWatch foi recoñecido pola Organización Mundial do Turismo como evento colaborador no 2017, ano no que se organizou por primeira vez, e desde entón celebrou mais de 20 edicións en diferentes provincias de España. Trátase dun referente que convoca a persoas relacionadas coa práctica e divulgación do turismo sostible de natureza.
O encontro natureWatch é un foro especializado de ecoturismo que se celebra ao longo do tempo en diferentes puntos de España, atendendo ás características singulares de cada lugar. O seu obxectivo é contribuír de forma ordenada ao impulso do turismo de observación da natureza, promovendo as bases sobre as que construír a súa regulación, o emprendemento e o desenvolvemento sostible dos espazos naturais. Neste caso, pretende posicionar A Mariña entre os profesionais do sector e o público especializado como un destino de turismo de natureza de relevancia a nivel nacional.
Con esta celebración na Mariña pon de manifesto o interese que esperta como destino referente a nivel ornitolóxico, natural e xeolóxico, co fin de xerar desenvolvemento económico e social ao redor das empresas de turismo activo e ecoturismo, guías de turismo de natureza, aloxamentos, restaurantes e produtores locais, entre outros.
Evento neutro en carbono
Trátase ademais dun evento socialmente responsable. Por unha banda é neutro en carbono, é dicir, que se toman as medidas necesarias para compensar as emisións de carbono que se produzan durante o mesmo, investindo en actividades que reducirán ou eliminarán da atmosfera unha cantidade de carbono equivalente á emitida, polo que se acada un impacto 0. Por outra banda, parte do custo de inscrición será destinado a un proxecto local de conservación do medio ambiente a cargo de REBINXE.
REBINXE (Recuperación da Biodiversidade na Xeografía Rural) é unha organización sen ánimo de lucro para a conservación do medio ambiente creada por profesorado e alumnado do IES San Rosendo de Mondoñedo.
O encontro estivo promovido pola Mancomunidade de Concellos de A Mariña Lucense no contexto do Plan de Sostibilidade Turística na Mariña Lucense 2022-2024, cofinanciado pola propia Mancomunidade, a Xunta de Galicia e a Secretaría de Estado de Turismo. A organización corre a cargo da empresa especializada Daboecia Arte y Naturaleza en colaboración con El Ecoturista. Ademais, nesta edición conta coa colaboración especial de RURALtXA! un proxecto que impulsa a bioeconomía no mundo rural e que conta co apoio da Fundación Biodiversidad do Ministerio para a Transición Ecolóxica e o Reto Demográfico (MITECO) no marco do Plan de Recuperación, Transformación y Resiliciencia (PRTR), financiado pola Unión Europea-NextGenerationEU.
A deputada de Cultura Iria Castro asistiu esta tarde ao acto de clausura da exposición "Universo Vizoso", que reuniu, ademais de numeroso público, familiares e amizades do artista , como os seus fillos, Daniel e Pepe Vizoso, e o debuxante Siro López, e que transcorreu como nunha emotiva homenaxe ao artista recentemente falecido. A exposición, comisariada por Aser Álvarez e promovida pola Vicepresidencia da Deputación con motivo do recoñecemento a Vizoso polo Día da Ilustración 2025, iniciará agora unha itinerancia pola provincia, que comeza en Vilalba. Poderá visitarse na Casa da Cultura vilalbesa desde o 8 de abril ata o 7 de maio.
Repasou 40 anos de traxectoria e inspiración artística que iniciouinfluído, segundo lembrou, pola cerámica popular. O artista detallou durante a ponencia a progresiva incorporación de linguaxes creativas a súa faceta de escultor, con incursións na fotografía ou na poesía. O deputado de Rural, Mar e Mocidade Daniel García presentou o acto, agradecendo a disposición de Caxigueiro a colaborar cos museos provinciais en iniciativas divulgativas, como este encontro, ou proxectos do ámbito social, de forma complementaria a actividade expositiva.
A XXIX Festa do Queixo de San Simón da Costa foi escaparate para máis de 30 queixerías de todos os puntos do país, consolidándose como referente gastronómico e cultural.
Este 5 de abril, como todos os sábados primeiros de mes, reclamaron unha vez máis unhas pensións dignas.
Celebrouse na carpa instalada na Praza dos Campos de San Cibrao.
Celébrase ao longo desta fin de semana no concello de Cospeito. Alí, destacou o papel deste evento á hora de potenciar e promocionar o sector agrogandeiro da contorna e, en definitiva, da comunidade.
Á presentación asistiron Antonio Paleo Riveira, presidente da Asociación Cruz de Loureiro que organiza a festa; o alcalde de Xove, Demetrio Salgueiro, e a concelleira de cultura Dolores Meitín.
