Ademais, dentro do compromiso do Concello coa visibilización do papel fundamental das mulleres na nosa sociedade, publicarase a segunda edición de “Mulleres de Alfoz”. Esta iniciativa, que tivo boa acollida na súa primeira edición, recolle a traxectoria de mulleres do noso municipio, destacando as súa vidas de esforzo, superación e traballo. Nesta nova edición, contarase coa representación dunha muller de cada parroquia, sumando un total de nove protagonistas. Todas elas comparten historias de vida marcadas pola dedicación e unha conciliación familiar e laboral realizada sen axudas públicas.
O Concello de Alfoz reitera o seu compromiso coa igualdade e con iniciativas que contribúan a poñer en valor o papel das mulleres do noso concello. Animamos á veciñanza a participar nesta conmemoración e a descubrir as historias inspiradoras das “Mulleres de Alfoz”.