Foz, 15 de marzo de 2025. O Concello de Foz abriu este sábado pola mañá o parque canino Pico do Castro, situado ao lado das letras de Foz, na zona chamada Pico do Castro, que dá nome ao parque. É o primeiro da Mariña.
Á apertura do parque asistiron membros da corporación municipal, encabezados polo alcalde, Fran Cajoto, o director territorial de Medio Ambiente, Jesús Montouto, e representantes da asociación Amigos dos Cans e da Protectora de Animais de Foz. Tamén acudiron participantes da escola obradoiro e persoal municipal do Concello de Foz que construíron o parque, así como veciñas e veciños que se achegaron coas súas mascotas.
O parque conta con 2.000 metros cadrados de superficie e cun valado perimetral e dobre porta de entrada, para maior seguridade dos animais. Está equipado cunha marquesiña para resgardarse da choiva, bancos con vistas á ría de Foz, fonte para peludiñas e peludiños e donos dos mesmos, almacén e distintos xogos de axilidade. Estará aberto de forma ininterrompida, para o que conta con alumeado específico nas instalacións.
O alcalde, Fran Cajoto, explica: “continuamos mellorando e ampliando as áreas de esparexemento do noso pobo. Na anterior lexislatura construímos pistas de petanca, unha pista multideporte en Pintor Laxeiro, abrimos ao público e melloramos o parque de educación vial e agora vimos de mellorar e ampliar xogos de nenos e adultos en distintos parques”.
Fran Cajoto engade: “estamos moi satisfeitos coa boa acollida desta nova área, pensada especialmente para as mascotas e coa que recuperamos para uso público unha área degradada como eran as antigas instalacións de gas. Pedimos un uso responsable das instalacións e agardamos que mascotas e donos as desfruten”.
O pasado día 11 os responsables dun establecemento comercial, de recente apertura, denunciaron ante a Garda Civil que o día anterior subtraéranlle dun mostrador unha PDA valorada en 1000 euros, que un empregado do local depositara momentaneamente nese punto. Iniciouse unha investigación para identificar o autor/es responsables dos feitos e froito do arduo labor policial logrouse determinar que se trata de dúas veciñas del Franco (Asturias), de 25 e 26 anos de idade, sendo detidas como autoras dun delito de furto e recuperando a PDA que substraeran, sendo entregada ao seu lexítimo propietario en calidade de depósito e ao dispor da Autoridade Xudicial. As detidas e as dilixencias policiais foron postas ao dispor xudicial.
Foron 506 rapaces e rapazas os homenaxeados de 16 modalidades deportivas. O alcalde, Dani Vega, fixo un balance moi positivo do evento, que contou coa participación de coñecidos referentes deportivos como Óscar Pereiro, Iván Raña e Ezequiel Mosquera. Os tres animaron aos asistentes a seguir facendo e practicando deporte. Ao acto asistiron o delegado territorial da Xunta en Lugo, Javier Arias, e o xefe do Servizo Provincial de Deportes, Manuel Otero, así coma o equipo de goberno ribadense.
Foi este xovess en Ribadeo coa organización da AC Francisco Lanza, na que os presentes poideron gozar dunha charla amena dos amigos e amigas da Órrea que falaron das súas vivencias na sega en Castela. Vendo o documental “Segadores da Órrea en terras de Castela. Unha historia de heroes” achegámonos a un tema lendario na nosa historia da man dos seus protagonistas. Nesta ocasión, escoitando a xentes da parroquia da Órrea, no concello de Riotorto. Mesmo dúas persoas que sendo uns mociños foron facer a sega estiveron presentes no acto e contaron de primeira man as súas vivencias e as lembranzas dos seus parentes e veciños.
Na xuntanza, a conselleira e o rexedor abordaron actuacións urbanísticas, de interese para este municipio lucense. A conselleira subliñou a aposta da Xunta para cooperar cos concellos máis pequenos a través de actuacións que contribúan a mellorar a calidade de vida da veciñanza e fixar poboación no rural.
Os residentes do Centro de Maiores de Trabada da Deputación de Lugo celebraron este xoves un encontro cos usuarios e usuarias do Centro de Día A Concordia de Ribadeo. Durante a xornada, os asistentes compartiron un xantar e desfrutaron ao longo da tarde de diversas actividades de lecer que remataron cun baile. Esta actividade organizada polo organismo provincial, ten por obxectivo promover a interacción social e mellorar o benestar dos participantes, ao mesmo tempo que favorece o intercambio de experiencias entre os residentes de ambos centros.
Os espazos para a acampada serán o Estadio Roca e o Pavillón do CEIP Insua Bermúdez, ambos de balde. Os abonos e as entradas por día pódense mercar en 
Está organizada pola Asociación Equina A Medela. Á presentación acudiu o presidente da asociación, Leandro Quelle, acompañado polo alcalde de Xove, Demetrio Salgueiro e a concelleira de agricultura, gandería e montes Mª Dolores Meitín.
