O popular rexeita que o alcalde “trate de enganar aos veciños e veciñas” culpando á Xunta da suba do canon do lixo cando “se debe a unha lei do Goberno de Sánchez que obriga aos Concellos a repercutir nos contribuíntes o custo dos gastos da recollida e tratamento de residuos”
Trabada, 27 de marzo de 2025. O voceiro do PP de Trabada, José María Fernández, advirte que “con este goberno socialista todo son subas de taxas e impostos no noso Concello”.
O popular explica que “no Pleno deste mércores o equipo de goberno aprobou en solitario – co voto en contra do Grupo do Partido Popular- a subida das taxas de: recollida do lixo, abastecemento de auga e expedición de documentos administrativos, despois de ter aprobado o ano pasado a subida do Imposto sobre Bens Inmobles (IBI).
A suba da taxa pola recollida do lixo na zona rural será de aproximadamente uns 30 euros anuais e no casco urbano duns 40 euros anuais máis. En ambos casos, despois de aplicar xa a bonificación do 20% para os propietarios de vivendas empadroados no Concello.
A taxa polo abastecemento de auga establécese para uso doméstico en 22 euros cada dous meses -máis 0,75€/m3 por consumo superior a 11m3- e para uso industrial nos 36 euros cada bimestre -máis 0,75€/m3 por consumo superior a 21m3-.
Algúns exemplos da incidencia da suba da taxa á expedición de documentos administrativos constitúe o certificado de empadroamento que sube de 5 a 10 euros -pasará a custar o dobre- ou o expediente de autorización ou celebración de festas que pasará dos 25 aos 35 euros -10 euros máis-.
O voceiro do Partido Popular incide en que “o goberno socialista debería buscar a forma de que o Concello asumira esa suba de taxas municipais sen repercutila nos petos dos veciños e veciñas que viron encarecido todo e para os que, cada vez, costa máis chegar a fin de mes”.
Así mesmo, o popular rexeita que o alcalde “trate de enganar aos veciños e veciñas” culpando á Xunta da suba do canon do lixo cando “se debe a unha lei do Goberno de Sánchez que obriga aos Concellos a repercutir nos contribuíntes o custo dos gastos da recollida, transporte e tratamento de residuos”. É máis, incluso se opón a que a Xunta asuma o 60% da actualización do canon que paga cada Concello”.
A SUBA DO IBI FAISE EFECTIVA ESTE ANO
Fernández lembra que “fai un ano xa advertíamos de que o goberno socialista subira o IBI -coñecido como contribución- sobre os bens inmobles de natureza urbana dende un tipo impositivo do 0,4 ao 0,6 que se fai efectivo neste ano 2025. Deste xeito, un propietario que estaba a pagar 150 euros de contribución pola súa vivenda pasa a pagar 200 euros, 50 euros máis”.
O conselleiro do Mar, Alfonso Villares, asistiu no pavillón Vista Alegre ao partido da Primeira División Iberdrola FS entre o CD Burela FS e o Futsi Atletico Navalcarnero.
Será na Casa da Cultura ás 19:30h con entrada gratuita. Nesta ocasión o grupo 57 palabras, de Viveiro, representará a obra: Sen flores nin coroas. Entrada libre.
Neste encontro, que se desenvolveu en San Caetano, a conselleira e a alcaldesa abordaron posibles actuacións en materia de vivenda e infraestruturas neste municipio lucense. Allegue e Gueimunde coincidiron na importancia da colaboración entre administracións para impulsar os proxectos que contribúan a mellorar a calidade de vida dos veciños e a reforzar a competitividade do municipio.
Será entre os días 12 e 16 de abril. Como cada ano conta coa organización da Asociación Prestoxove co patrocinio do Concello.
O restaurante, situado en Vilaframil (Ribadeo), organiza unhas xornadas de degustación internacional, dedicadas á gastronomía portuguesa e arxentina, desde este sábado, día 29 de marzo, ata o 13 de abril. Haberá dous menús degustación, ambos por 35 euros persoa.
Correrá a cargo do arqueólogo Francisco Alonso Toucido, director da intervención. Exporanse os achados máis significativos desta escavación, que permitiron afondar no coñecemento da historia e do patrimonio do lugar. Será unha oportunidade para que o público coñeza de primeira man os traballos realizados. O acto está organizado por Mariña Patrimonio, Irmandade Santo Estevo e a Fundación Eira da Xoana (ADEGA) e conta coa colaboración do Concello de Barreiros e da Área de Cultura da Deputación Provincial.
Nesta ocasión o acento estará no mundo do viño. Da man da prestixiosa catadora lucense Isa Lozano, o restaurante ofrecerá cinco viños seleccionados, que serán comentados pola catadora, que se acompañarán con cinco tapas deseñadas para a ocasión polo restaurante. As prazas son limitadas, teñen un custo de 32€ e é necesario reservar con antelación.
