Burela, 26 de marzo, 2025. A Asociación Camiña organiza unhas xornadas de lecer inclusivo durante as vacacións de Semana Santa, os días 14,15,16 e 21 de abril, en horario de 10 a 14:00h. Como novidade, este ano ofrecerase o servizo de madrugadores co obxectivo de apoiar ás familias que necesiten conciliar durante estas datas.
As actividades están dirixidas a toda a infancia, pero terán prioridade os nenos e nenas de 3 a 10 anos con diversidade.
Ao longo destes días, os participantes poderán desfrutar de manualidades, xogos, obradoiros de cociña, etc. nun ambiente inclusivo adaptado ás necesidades de cada neno e nena.
O prazo de inscrición estará aberto ata o día 9 de abril e as prazas son limitadas. Para máis información e inscricións, pódese contactar con Camiña ou ben chamando ao 982580423 (de luns a xoves de 15:30-21:00h) ou a través das nosas redes sociais.
Será na Casa da Cultura ás 19:30h con entrada gratuita. Nesta ocasión o grupo 57 palabras, de Viveiro, representará a obra: Sen flores nin coroas. Entrada libre.
Neste encontro, que se desenvolveu en San Caetano, a conselleira e a alcaldesa abordaron posibles actuacións en materia de vivenda e infraestruturas neste municipio lucense. Allegue e Gueimunde coincidiron na importancia da colaboración entre administracións para impulsar os proxectos que contribúan a mellorar a calidade de vida dos veciños e a reforzar a competitividade do municipio.
Será entre os días 12 e 16 de abril. Como cada ano conta coa organización da Asociación Prestoxove co patrocinio do Concello.
O restaurante, situado en Vilaframil (Ribadeo), organiza unhas xornadas de degustación internacional, dedicadas á gastronomía portuguesa e arxentina, desde este sábado, día 29 de marzo, ata o 13 de abril. Haberá dous menús degustación, ambos por 35 euros persoa.
Correrá a cargo do arqueólogo Francisco Alonso Toucido, director da intervención. Exporanse os achados máis significativos desta escavación, que permitiron afondar no coñecemento da historia e do patrimonio do lugar. Será unha oportunidade para que o público coñeza de primeira man os traballos realizados. O acto está organizado por Mariña Patrimonio, Irmandade Santo Estevo e a Fundación Eira da Xoana (ADEGA) e conta coa colaboración do Concello de Barreiros e da Área de Cultura da Deputación Provincial.
Nesta ocasión o acento estará no mundo do viño. Da man da prestixiosa catadora lucense Isa Lozano, o restaurante ofrecerá cinco viños seleccionados, que serán comentados pola catadora, que se acompañarán con cinco tapas deseñadas para a ocasión polo restaurante. As prazas son limitadas, teñen un custo de 32€ e é necesario reservar con antelación.
