Xove, 14 de marzo, 2025. O entroido que acabamos de deixar atrás foi moi especial para as nenas e nenos do colexio de infantil e primaria do municipio de Xove. O equipo docente, en colaboración co departamento de Investigación Social e Cultura do Concello de Xove, traballaron de maneira coordinada para que as xeracións máis novas coñeceran como se disfrazaban e divertían os seus devanceiros. Primeiro traballaron nas aulas coas figuras tradicionais do entroido de Xove: a madamita e o galán. Aprenderon que estes eran disfraces dos días importantes do entroido, sobre todo do martes de carnaval (aínda que tamén se daban no domingo de Lordeiro (o domingo previo ó martes de carnaval. O termo está adaptado á fala de Xove, recollido no dicionario do entroido de Galicia como domingo Lardeiro). Aprenderon o significado liberador e paródico do carnaval, e como ó igual que hoxe se caricaturizan ás figuras públicas, os nosos antecesores tamén parodiaban ás clases dominantes da época. Pois as madamitas e os galáns eran unha forma de ridiculización mediante a esaxeración dos elementos representativos dos luxos nas vestimentas dos ricos e influentes daquela época.
Cada curso traballou na elaboración dun complemento dos atavíos das madamitas e dos galáns: uns fabricaron os sombreiros, outros os colares, bolsos, e outros cortaron e pegaron adornos no resto da vestimenta. Unha vez rematado, todo o centro puxo en común a seu labor ata conformar os dous manequíns. Deste xeito, os nenos e nenas contemplaron con moita emoción como ían tomando forma as dúas figuras tradicionais do entroido de Xove nas que traballaron durante semanas: a madamita e o galán. Os manequíns permaneceron expostos no recibidor do centro durante todo o tempo que durou o entroido.
Os mandatos do meco para o colexio de Xove tamén estiveron relacionados tódolos días coa maquillaxe das madamitas e dos galáns.
O Concello de Xove, desde o seus departamentos de Investigación Social e Cultura, considera de gran interese a recuperación destes elementos do seu patrimonio cultural inmaterial, así como a súa incorporación ó ensino tanto formal como informal; máis aínda agora, que a Xunta acaba de declarar o Entroido como Ben de Interese Cultural do patrimonio inmaterial de Galicia.
O conselleiro do Mar, Alfonso Villares, asistiu no pavillón Vista Alegre ao partido da Primeira División Iberdrola FS entre o CD Burela FS e o Futsi Atletico Navalcarnero.
Será na Casa da Cultura ás 19:30h con entrada gratuita. Nesta ocasión o grupo 57 palabras, de Viveiro, representará a obra: Sen flores nin coroas. Entrada libre.
Neste encontro, que se desenvolveu en San Caetano, a conselleira e a alcaldesa abordaron posibles actuacións en materia de vivenda e infraestruturas neste municipio lucense. Allegue e Gueimunde coincidiron na importancia da colaboración entre administracións para impulsar os proxectos que contribúan a mellorar a calidade de vida dos veciños e a reforzar a competitividade do municipio.
O restaurante, situado en Vilaframil (Ribadeo), organiza unhas xornadas de degustación internacional, dedicadas á gastronomía portuguesa e arxentina, desde este sábado, día 29 de marzo, ata o 13 de abril. Haberá dous menús degustación, ambos por 35 euros persoa.
Correrá a cargo do arqueólogo Francisco Alonso Toucido, director da intervención. Exporanse os achados máis significativos desta escavación, que permitiron afondar no coñecemento da historia e do patrimonio do lugar. Será unha oportunidade para que o público coñeza de primeira man os traballos realizados. O acto está organizado por Mariña Patrimonio, Irmandade Santo Estevo e a Fundación Eira da Xoana (ADEGA) e conta coa colaboración do Concello de Barreiros e da Área de Cultura da Deputación Provincial.
Nesta ocasión o acento estará no mundo do viño. Da man da prestixiosa catadora lucense Isa Lozano, o restaurante ofrecerá cinco viños seleccionados, que serán comentados pola catadora, que se acompañarán con cinco tapas deseñadas para a ocasión polo restaurante. As prazas son limitadas, teñen un custo de 32€ e é necesario reservar con antelación.
