Inés López destaca que “a boa acollida da apertura, no pasado mes de novembro, da sala de estudos da biblioteca de Foz demostra que é unha necesidade á que se lle deu unha boa cobertura e continuaremos traballando para incrementar servizos no eido cultural e educativo, para que Foz poda seguir medrando cos servizos necesarios. Queda moito por mellorar e sabémolo, polo que seguiremos investindo no incremento dos servizos da Casa da Cultura. Nas próximas semanas conmemoraremos os días do libro e das letras galegas e temos unha programación chea de actividades para pequenas e pequenos e grandes”.
O alcalde de Foz, Fran Cajoto, móstrase satisfeito “dun traballo que cremos indispensable para que a poboación teña acceso á cultura e a lugares de estudo cómodos e adecuados. Así mesmo seguiremos traballando en mellorar a Casa da Cultura, un edificio cheo de vida e no que dende os máis pequenos aos máis maiores poden atopar acubillo e un lugar para estar cheo da historia de Foz”.