O delegado deu conta das actuacións que o Ministerio de Transportes está levando a cabo na renovación do firme da autovía para incrementar a seguridade e ofrecer as mellores condicións de circulación aos usuarios da vía
Becerreá, 15 de febreiro de 2025. O delegado do Goberno en Galicia, Pedro Blanco, puxo en valor o esforzo do Goberno pola conservación e mellora da rede de infraestruturas viarias na provincia de Lugo, supervisando as obras de acondicionamento do firme da autovía A-6 ao seu paso polo Cereixal, en Becerreá. Fíxoo xunto á subdelegada en Lugo, Isabel Rodríguez, e técnicos responsables da Demarcación de Estadas en Galicia.
O Ministerio de Transportes está executando 23,1 millóns de euros nesta actuación sobre a calzada da A-6. “Respondemos a unha demanda das e dos usuarios desta vía, que se enmarca dentro do traballo que levamos feito para garantir a seguridade e ofrecer as mellores condicións de circulación nas vías estatais”, apuntou o delegado.
“O compromiso do Goberno de España con esta provincia e a súa rede viaria é unha evidencia, pois vai licitar outros 30,4 millóns euros para seguir renovando os firmes da autovía A-6, mellorando a seguridade viaria dos e das lucenses”, destacou Pedro Blanco, quen fixo fincapé no traballo do ministro Óscar Puente en favor desta provincia.
Lembrou, ademais, que esta non é a única das accións do Goberno dentro deste eido na provincia de Lugo, pois o mes pasado elevou o investimento en 1,8 millóns ao comprendido para a mellora do firme tanto na A-6 como na A-8 e na A-54, “estradas que soportan un elevado tráfico e que precisaban destas melloras”.
Novo contrato para as estradas de Lugo
O Goberno vén de aprobar a formalización do contrato de conservación en 268 quilómetros (46,5 de autovía) das estradas na provincia de Lugo por máis de 17,7 millóns de euros, “o que supón unha nova mostra do compromiso do Goberno coa cidadanía lucense e as súas vías de comunicación”, como sinalou o delegado.
Este contrato recolle actuacións como a vixilancia e atención de accidentes, a viabilidade invernal, o servizo de control de túneles ou o mantemento das instalacións. Repercutirá en tramos da A-54, da A-56 e varios tramos das estradas N-540, N-540A, N-547, N-640, N-120, N-120A e LU-12 (de acceso a Lugo).
Impulso á mobilidade de Lugo
O delegado salientou o impulso ás estradas de altas capacidades da provincia que realiza o Goberno, que vén de inaugurar un novo tramo da A-54 e que estará en servizo na súa totalidade este mesmo ano. “Estamos facendo de Lugo unha cidade conectada e con futuro, cumprindo unha débeda histórica coa súa cidadanía a través de proxectos en materia de ferrocarril e de estradas”, precisou Pedro Blanco.
Os propietarios de 2barbers son José Rodríguez Fernández, natural de Vegadeo, e Sara Rodríguez López, de Madrid, e agora residente en Ribadeo. Están moi contentos por lograr este premio.
Será ás 21:00 horas no local social de Trasbar coa colaboración da asociación de veciños deste Burgo. Contará coa actuación do Dúo Eclipse.
Realizadas en Ecuador, foron ensambladas e policromadas polo imaxineiro cordobés Sebastián Motes Carpio, e sairán en Semana Santa na Procesión da Misericordia (madrugada do Xoves ao Venres Santo) no paso da Nosa Sra. da Clemencia, xunto a esta imaxe mariña, formando unha escena inédita na Paixón viveriense denominada "Sacra Conversación".
Achégase o Día de Rosalía de Castro, a escritora máis representativa das nosas letras. Para celebralo, o Concello de Cervo convida a participar no concurso "Versos de Rosalía" envíando os dous versos que máis che gusten da escritora no formato que desexes (fotografía, debuxo, vídeo, audio, texto...). Valorarase a orixinalidade. Establécense dúas categorías: sénior e xuvenil, con tres premios en cada unha delas. Fai chegar as túas creacións antes das 12:00 horas do 24 de febreiro ao correo prensa@concellodecervo.com ou por whatsapp ao 683 31 59 39. Recorda incluír o teu nome e apelidos, idade, teléfono e lugar de procedencia. Os/as gañadores/as daranse a coñecer ás 20:00 horas do mesmo 24 de febreiro.
Foi no marco dos X Foros de Debate Fundación Sargadelos que se celebraron no hotel-restaurante Voar de Ribadeo.
Unha obra multidisciplinar na que os seus integrantes, tomando como punto de partida unha escolma de poemas da escritora galega máis universal, sumerxen os espectador nunha viaxe a través da imaxe, o son e a palabra. A cita é ás 20:30h. Entrada de balde ata completar aforo. Non se precisa reserva.
A Delegación Territorial acolleu hoxe a presentación da cita, coa presenza do delegado territorial, Javier Arias; o alcalde de Castro de Rei, Francisco Balado, e representantes da asociación cultural Val de Francos, responsable da organización. Arias felicitou ao colectivo “por manter e renovar esta tradición festiva” que implica ás parroquias de Ansemar, Balmonte e Goberno. O Campo do Carril, en Ansemar, acollerá os actos a partir das catro e media da tarde. Ademais do sermón e a Queima do Entroido, haberá xogos e actividades infantís, unha degustación gratuíta de produtos de razas autóctonas galegas e sorteo de agasallos. Tamén haberá postos de venda de filloas elaboradas por filloeiras de Muimenta e animación musical con varios grupos e orquestras.
