O senador mariñán José Manuel Balseiro defendeu na Comisión de Cultura que o Goberno de España “elabore e execute un proxecto de intervención só ou en concorrencia con outras administracións”
Madrid, 24 de febreiro de 2025. O Partido Popular logrou aprobar, sen ningún voto en contra, a súa iniciativa na Comisión de Cultura do Senado para instar ao Goberno de España a liderar e financie, con cargo a fondos estatais, a obra de rehabilitación integral do mosteiro de San Salvador de Vilanova de Lourenzá.
O senador mariñán, José Manuel Balseiro, explicou que a proposta inclúe a elaboración e execución dun proxecto de intervención, só ou en concorrencia con outras administracións, co fin de preservar, protexer e poñer en valor esta xoia patrimonial, arquitectónica e relixiosa fundada no século X polo Conde Osorio Gutiérrez, tamén coñecido como o ‘Conde Santo’, declarada Conxunto Histórico-Artístico en 1974 e que ten a consideración de Ben de Interese Cultural de Galicia na categoría de Monumento.
Balseiro incidiu en que “administracións como a Xunta souberon ver o seu valor e promoveron obras de restauración e conservación”. De feito, recentemente culminaba un investimento de máis de 360.000€ para rehabilitar a súa igrexa.
O PSOE presentou unha emenda que non foi aceptada porque “é moito máis ambiciosa a proposta do Partido Popular”. A do Partido Socialista nin comprometía o apoio do Goberno central con fondos propios á obra de rehabilitación do inmoble nin esixía que a administración central liderase este proxecto, aínda que actuase en concorrencia con outras administracións.
UNHA CHEA DE PROMESAS SOCIALISTAS INCUMPRIDAS
Balseiro relatou unha chea de promesas socialistas incumpridas, a máis recente “cando o propietario, o Bispado de Mondoñedo – Ferrol firmou un convenio para a cesión do inmoble e cumprir os requisitos de acceso ás axudas do 2% Cultural, pero unha e outra vez, sempre se atopou co non do Goberno do PSOE en España”.
A preguntas dos senadores sobre proxectos para rehabilitar este monumento, “o Goberno confirmaba de forma oficial que non tiña previsión de facelo a pesar de que existen múltiples axudas para a conservación do patrimonio arquitectónico”.
Balseiro lembrou durante a súa intervención que prometeron unha obra de rehabilitación que superaría os 2M€ con cargo ao Plan Nacional para o turismo Xacobeo 21/22 “que nunca chegou a executarse”. Nese sentido, afeou que o senador do PSOE por Lugo, César Mogo, destacara como “éxito” do goberno local socialista que conseguira que o Goberno de Sánchez tivera en conta o mosteiro de Lourenzá cando, posteriormente, rexeitou apoiar o proxecto”.
O senador popular explicou que “o prometeron antes das eleccións e pasada a cita electoral: si te he visto, no me acuerdo. Outra promesa incumprida do Goberno de España coa Mariña”.
Máis recentemente, solicitaron 3M€ dun proxecto de case 4,3M€ co cargo ao programa do 2% Cultural estatal. Pero “a finais de decembro saíu a resolución, case ás agachadas, en Nadal para que non se entere ninguén, e a solicitude do mosteiro de Lourenzá foi outra vez rexeitada. E non é porque se trate dun ben da Igrexa” porque “entre os máis de 30 beneficiarios destas axudas hai outros inmobles similares”.
UNHA XOIA CUN GRAN DETERIORO
O mosteiro de San Salvador acolle algunhas dependencias municipais e desde os anos 60 do século XX a edificación alberga tamén un interesante Museo de Arte Sacra. Tamén posúe a casa abacial e dependencias monásticas con claustros, actualmente inhabilitados; e una igrexa cuxa portada parece ser serviu de precursora da fachada do Obradoiro.
Algunhas estancias do mosteiro, desafortunadamente, presentan gran deterioro. Isto non só está a impedir que sexan obxecto de visitas, senón que compromete a súa preservación de cara ao futuro do que é un dos monumentos máis representativos deste municipio lucense e unha referencia do arte barroco galego.
O conselleiro do Mar, Alfonso Villares, asistiu no pavillón Vista Alegre ao partido da Primeira División Iberdrola FS entre o CD Burela FS e o Futsi Atletico Navalcarnero.
Neste encontro, que se desenvolveu en San Caetano, a conselleira e a alcaldesa abordaron posibles actuacións en materia de vivenda e infraestruturas neste municipio lucense. Allegue e Gueimunde coincidiron na importancia da colaboración entre administracións para impulsar os proxectos que contribúan a mellorar a calidade de vida dos veciños e a reforzar a competitividade do municipio.
Será entre os días 12 e 16 de abril. Como cada ano conta coa organización da Asociación Prestoxove co patrocinio do Concello.
O restaurante, situado en Vilaframil (Ribadeo), organiza unhas xornadas de degustación internacional, dedicadas á gastronomía portuguesa e arxentina, desde este sábado, día 29 de marzo, ata o 13 de abril. Haberá dous menús degustación, ambos por 35 euros persoa.
Correrá a cargo do arqueólogo Francisco Alonso Toucido, director da intervención. Exporanse os achados máis significativos desta escavación, que permitiron afondar no coñecemento da historia e do patrimonio do lugar. Será unha oportunidade para que o público coñeza de primeira man os traballos realizados. O acto está organizado por Mariña Patrimonio, Irmandade Santo Estevo e a Fundación Eira da Xoana (ADEGA) e conta coa colaboración do Concello de Barreiros e da Área de Cultura da Deputación Provincial.
Nesta ocasión o acento estará no mundo do viño. Da man da prestixiosa catadora lucense Isa Lozano, o restaurante ofrecerá cinco viños seleccionados, que serán comentados pola catadora, que se acompañarán con cinco tapas deseñadas para a ocasión polo restaurante. As prazas son limitadas, teñen un custo de 32€ e é necesario reservar con antelación.
Poderán ser beneficiarias destas axudas as persoas físicas titulares de inmobles residencias sitos no termo municipal do concello de Xove en contornas sen rede de saneamento municipal que estean provistos de fosas sépticas ou outros sistemas individuais de xestión de augas residuais en sitios sen rede de sumidoiros municipal. As bases foron públicadas no BOP do 8 de marzo e pódense ver tamen no taboleiro de anuncios do Concello de Xove.
