Os deputados do Grupo Provincial Popular seguen a deslocalizar as xuntanzas periódicas de traballo por toda a provincia e hoxe reuníronse en Trabada aproveitando para visitar un dos motores empresariais da Mariña
Os deputados populares puideron ver como se desenvolven as diferentes fases do proceso produtivo nesta empresa, tamén comprometida co coidado do medio ambiente xa que buscan o aproveitamento de superficies boscosas, sen descoidar a reforestación e o mantemento forestal.
“Queremos poñer en valor o compromiso desta empresa co desenvolvemento económico de Trabada e do rural, xa que se trata dunha empresa líder no sector e que vende en diferentes mercados europeos e dende a provincia de Lugo, demostrando que na provincia de Lugo poden asentarse iniciativas punteiras”, destacaron os populares.
Con esta xuntanza, os deputados do Grupo Provincial do Partido Popular manteñen a liña iniciada ao comezo do mandato de deslocalizar as reunións de traballos e organización de grupo, que se convocan ao longo da provincia demostrando que se pode apostar polo trato igualitario na provincia, aproveitando ademais para convidar ás mesmas aos alcaldes e voceiros da zona “para xerar sinerxías e poñer en común liñas de traballo na procura do crecemento da provincia”.