O club de lectura en lingua galega da EOI de Ribadeo terá unha segunda sesión o 18 de marzo

Ribadeo, 26 de febreiro, 2025. Despois de ter unha primeira convocatoria este curso, o pasado trimestre, o próximo martes 18 de marzo ás cinco da tarde terá lugar unha nova xuntanza do club para falar sobre o libro ‘Resaibo amargo’, o primeiro dos libros publicados da escritora Lucía Ferro. A xuntanza terá lugar na biblioteca da Escola Oficial de Idiomas de Ribadeo.

Cómpre lembrar que o club está aberto non só á xente relacionada coa EOI, senón tamén a calquera persoa interesada. Nesta nova edición, ademais, participará xente voluntaria do programa de voluntariado da EOI, que se está a desenvolver por segundo ano.

Ademais de nas librarías, o libro está dispoñible tanto la biblioteca da EOI como nas bibliotecas públicas da contorna.

O cartel realizado para a ocasión conta cun código QR para aproximarse á autora.