Xove, 10 de febreiro de 2025. O Centro Cívico de Xove acolle desde hoxe e ata o vindeiro 12 febreiro as Xornadas Formativas de Turismo Ornitolóxico, un encontro de carácter gratuíto que ten como obxectivo mellorar as capacitacións para impulsar A Mariña como destino turístico para o estudo e avistamento de aves.
O acto de inauguración contou coa presenza da presidenta da Mancomunidade de Concellos da Mariña Lucense, Rocío López; o alcalde de Xove, Demetrio Salgueiro; e a directora de Promoción de Turismo de Galicia, Carmen Pita.
Tal como explicou a presidenta da Mancomunidade “esta iniciativa busca ampliar e asentar coñecementos e habilidades arredor do turismo ornitolóxico, un dos grandes activos deste territorio, e a formación é fundamental para contar con persoal con capacidade de atender a demanda tanto do público xeral coma do especializado, e poder así desenvolver produtos turísticos sostibles e atractivos”.
Nesta liña, lembrou que a formación que se desenvolve estes días en Xove forma parte dun ambicioso plan impulsado pola Mancomunidade en colaboración con empresas especializadas “para a posta en valor e divulgación do patrimonio ornitolóxico no territorio”.
Formación especializada
Un total de 36 persoas procedentes da Mariña, doutras partes de Galicia e tamén de Asturias participan neste encontro. Trátase, sobre todo, de perfís de profesionais que son guías oficiais, técnicos de turismo, xerentes e empregados de aloxamentos turísticos, axentes de viaxes, asesores de ornitoloxía, técnicos de medio natural e paisaxismo, fotógrafos e técnicos de empresas de educación ambiental, ocio e tempo libre, entre outros.
A través desta formación os participantes teñen a oportunidade de mellorar as súas capacidades para atender á demanda neste eido, así como desenvolver produtos turísticos atractivos e respectuosos coas especies e os seus hábitats, contribuíndo ao desenvolvemento local sostible.
Programa das xornadas
As xornadas contan cun completo programa de charlas e conferencias de profesionais, como ornitólogos, técnicos de turismo, divulgadores, investigadores, biólogos ou educadores ambientais, que ofrecerán aos asistentes as claves para crear e xestionar de maneira sostible os destinos vinculados á ornitoloxía.
Ademais, realizaranse visitas guiadas para a observación de aves e lugares de interese na costa Oriental e na Occidental da Mariña, ofrecendo así unha oportunidade única para poñer en práctica moitos dos coñecementos adquiridos e avaliar de primeira man os recursos do territorio.
Consulta o programa completo aquí:
https://amarinalucense.gal/gl/novas/jornadas-formativas-en-turismo-ornitologico-de-a-marina-lucense
Destino ornitolóxico
Estas xornadas son un paso máis na aposta da Mancomunidade de Concellos da Mariña Lucense por impulsar este territorio como destino de turismo ornitolóxico, para o que está a traballar, en colaboración con empresas especializadas, na ampliación da información divulgativa sobre a diversidade de aves e ecosistemas existentes no territorio dirixida a aqueles viaxeiros interesados na práctica deste tipo de ecoturismo. Este plan inclúe a instalación de diferentes totems informativos de baixo impacto paisaxístico en áreas representativas a nivel ornitolóxico do xeodestino, así como a publicación de material divulgativo da Mariña como destino de turismo ornitolóxico.
Nesta liña, a Mancomunidade acollerá do 28 ao 30 de marzo o encontro NatureWatch A Mariña Lucense, un evento de proxección nacional especializado en ecoturismo e observación da natureza que reunirá a participantes nacionais e internacionais.
Estas accións están promovidas pola Mancomunidade de Concellos da Mariña Lucense no contexto do Plan de Sostibilidade Turística na Mariña Lucense 2022-2024, cofinanciado pola propia Mancomunidade, a Xunta de Galicia e a Secretaría de Estado de Turismo.
O alcalde, Dani Vega, desexoulles que “estas prácticas sexan proveitosas tanto para o seu futuro laboral como para levar un grato recordo cultural da nosa terra”. Este grupo de rapazas e rapaces italianos chegaron a Ribadeo da man de Apaga (Asociación de Profesores de Automoción de Galicia).
Durante este periodo, estudantes novos e actuais poderán inscribirse en cualquera dos 30 grados universitarios oficiais que ofrece a institución. E ata o 11 de marzo permanecerá aberta a matrícula na UNED Sénior (maiores de 55 anos) para a seguinte asignatura: "A emigración galega e o seu impacto no mundo do arte e das letras" As clases comezarán na semana do 24 de febreiro e prolongaranse ata xuño de 2025. Os interesados poden matricularse e acadar mais información nas instalacións da UNED: Avenida de Cervantes s/n, Claustros da Igrexia de San Francisco todos os días das 10h30 ata as12h30 e polas tardes de 16h a21h. www.uned.es. 982563601 - 624484831
Foi impartida pola Coach de Saúde Emocional e Facilitadora en procesos de duelo e perda, Susana Vázquez Fernández, afondando en temas de interese social como a xestión emocional da enfermidade, coa colaboración da asoc. de Xubilados Terramar, e que tivo lugar no local desta asociación, na Casa do Mar de San Cibrao.
O pasado día 4 nas inmediacións do domicilio de ambas as partes implicadas, cando as victimas regresaban á súa vivenda de dar un paseo, a persoa investigada maniféstalles que lles roubara e posteriormente comezou a insultalos e agredilos. As vítimas foron atendidas das súas lesións no P.A.C. de Mondoñedo. As dilixencias policiais e a persoa investigada foron postas ao dispor xudicial.
Os restos serán agora biotriturados, creando un abono orgánico que axudará a reducir a aparición de malas herbas e o uso de abonos e herbicidas químicos.
Por que cantan as mulleresA partir do mediodía haberá degustación do caldo de gloria. Ás 18h, a profesora de canto tradicional e revisionista de coplas, Branca Villares, ofrecerá unha palestra-concerto baixo o nome "Por que cantan as mulleres?". Para finalizar o acto, convidarase a todas as persoas a participar da lectura colectiva do Manifesto da AELG.
Unha comedia para público adulto. A cita é ás 20:30h. Entradas: De luns a xoves, no 982560162, en horario, de 9 a 14,00 horas, ou no correo rbg.cultura@viveiro.es, e tamén na taquilla do teatro 1 hora antes da función.
