Como medida de cohesión social, todas estas persoas tomaron a iniciativa de facer inmersión na cultura galega. Para iso reúnense cada sábado ás cinco da tarde na escola do lugar de Arroxo, entre Lourenzá e Mondoñedo e todos os mércores ás 10 da noite virtualmente a través de teléfonos e ordenadores, baixo a dirección e tutela de Bernardo Penabade. Como complemento, apóianse diaria e mutuamente a través dun grupo de whatsapp e acuden á axuda do profesor na casa: a famosa páxina www.ogalego.eu, de Anxo González e Vitoria Ogando.
Agora deciden promover un encontro de neofalantes aberto a todas as persoas interesadas no diálogo entre culturas. Celébrarase na Finca Galea ás 4:30 da tarde do próximo domingo, día 2 de marzo. O programa é moi simple: primeiro o saúdo e a conversa; despois unha visita guiada.