Ribadeo, 17 de febreiro de 2025. Cecilia Reigosa Montero é a gañadora do XI Concurso de Cartas de Amor convocado pola galería ribadense Terra Branca.
Querido Valadouro é o título da carta premiada, cuxo audiovisual pódese ver xa nas redes sociais de Terra Branca.
Foron 82 as cartas presentadas ao concurso de Terra Branca, chegadas desde diferentes puntos de España e escritas tanto en galego como en castelán. José Ramón Leal, o director da galería, sinala: “le damos nuestra más sincera enhorabuena a Cecilia. Y queremos convocaros a todos a participar ya en la duodécima edición de nuestro querido concurso en 2026”.
O xurado estivo formado pola artista Mariángel Leal, pola lectora Mari Carmen Vidal e por José Ramón Leal, director da galería Terra Branca.
Cecilia Reigosa Montero, que pertence á asociación Saúde Mental A Mariña, recibirá o premio nos próximos días.
Querido Valadouro
Dende o momento en que puxen os meus pes nas túas terras, souben que atopara un lugar moi especial. A túa beleza natural, as túas paisaxes verdes e os teus ríos serpenteantes fixéronme namorar profundamente. Cada rincón da túa xeografía conta cunha historia e eu tiven a sorte de ser parte dela.
As túas montañas maxestosas, que se alzan como gardiáns dos teus segredos, recórdanme a túa gran natureza. En cada paseo dos teus sendeiros, encontrei paz e serenidade, respirei aquel aire máis puro e escoitei aquel canto dos paxaros que enchen a vida dos teus bosques.
As túas tradicións e cultura, transmitidas de xeración en xeración, son un tesouro inigualable. A calor da túa xente, a súa hospitalidade e amabilidade, fan que calquera se sinta como na casa. Deleiteime coas túas festas e celebracións, onde se reflexa a alegría e o espírito comunitario que te caracteriza.
O Valadouro, es o lugar onde o tempo parece deterse, onde cada día e unha nova oportunidade para descubrir as túas marabillas e redescubrirse un mesmo. Gárdote no meu corazón, e cada vez que penso en ti, un sorriso se debuxa no meu rostro.
Grazas por ser o refuxio da tranquilidade, un remanso de paz, e por mostrarme que a beleza verdadeira reside na simplicidade e a autenticidade. Prometo volver a visitarte e seguir explorando todo o que tes para ofrecer.
Con todo o meu cariño.
Cecilia Reigosa Montero
A institución provincial realiza unha achega económica de máis de 30.000€ para a organización da feira, na que está previsto que se vendan 20.000 quilos do produto cárnico.
O 112 Galicia recibiu o aviso ás 11:45 deste sábado a través dun particular, que alertaba dunha colisión entre dous coches con posibles feridos. De inmediato, informouse aos axentes da Garda Civil de Tráfico, aos Bombeiros de Vilalba e ao persoal do Servizo de Urxencias Sanitarias de Galicia-061. Nun primeiro momento, os servizos sanitarios decidiron activar o helicóptero medicalizado con base en Santiago de Compostela, pero finalmente a súa intervención foi anulada. Os dous feridos foron trasladados en ambulancia ao Hospital Universitario Lucus Augusti.
O pasado día 8 deste mes presentouse unha denuncia no cuartel da Garda Civil, na cal se poñía en coñecemento a subtracción dunha caseta de obra que se atopaba nunha leira situada no termo municipal de Foz, e que tres días máis tarde estaba á venda nunha páxina en liña especializada na venda de diversos materiais de segunda man. Como resultado da investigación localizouse esta caseta subtraída e investigouse aos presuntos autores do ilícito. As dilixencias policiais e as persoas investigadas foron postas ao dispor xudicial.
Durante o emotivo encontro, o rexedor trasladoulle o agarimo de todo o municipio, destacando a importancia de celebrar a vida e a experiencia das persoas maiores: “É unha honra para o Concello de Trabada compartir este momento tan especial con Tomasa. O seu século de vida é testemuño da nosa historia e do noso sentir comunitario. En nome de toda a veciñanza, desexámoslle moitísima felicidade e saúde”, sinalou Rubén García. Como mostra de recoñecemento, a concelleira e o alcalde fixeron entrega a Tomasa dunha placa conmemorativa e dun ramo de flores. Desde o Concello de Trabada destacan o compromiso de seguir a render homenaxe ás persoas maiores, verdadeiros alicerces da identidade e da memoria colectiva do municipio.
Os feitos tiveron lugar o venres nun establecemento de hostalería focense, cando o presunto autor accedeu ao seu interior tras romper cunha pedra de grandes dimensións a porta de cristal dun dos anexos do bar. O infractor foi detido cando tentaba abandonar o interior cunhas moedas subtraídas e varias botellas de alcol no seu poder. A persoa detida e as dilixencias policiais serán postas a dispor xudicial.
Nela acordaron o dispositivo que velará pola seguridade durante o Entroido no Concello, concretamente o XLIII desfile do Entroido. Recalcaron a importancia de levar a cabo un operativo acorde coa festividade, incidindo no desfile para que “tanto os veciños como as veciñas poidan gozar sen incidencias”.
