O 7 de marzo á 13:00 terá lugar na Praza do Concello a lectura do manifesto institucional, que virá seguida de obradoiros e dunha proxección
Burela, 26 de febreiro de 2025. O Concello de Burela conmemorará o 8M, Día da Muller, con diferentes actividades que comezarán o día 7 de marzo, venres.
Ese día terá lugar ás 13:00 horas na praza do Concello a lectura do manifesto institucional por esta data. Tamén será a proxección do filme galego ‘O Corno’ ás 20:30 na Casa da Cultura.
Así mesmo, o 7 de marzo comezarán os obradoiros “Solo pelviano” na Praza de Abastos de 10:00 a 12:30. A cita repetirase o 10 de marzo de 17:00 a 19:30. En ambos casos o taller estará impartido pola fisioterapeuta especialista en pelviperineoloxía Lara Bello.
Ao día seguinte , o 11 de marzo, será o obradoiro “Coñece a túa peri/menopausia” de 18:00 a 20:00 no salón de conferencias. Impartirá María González Cociña, directora do centro M.
Ambos talleres serán de balde para mulleres. Será necesario inscribirse previamente no Centro de Información ás Mulleres do Concello de Burela, na Casa do Concello, en horario de mañá (8h-15h).
“O 8M é unha data para reivindicar, pero tamén para escoitar, reflexionar e seguir avanzando”, sinala a alcaldesa de Burela, Carmela López.
“En Burela traballamos cada día para que todas as mulleres se sintan escoitadas, valoradas e con acceso aos recursos que lles permitan vivir con dignidade e igualdade”, engadiu a rexedora. “O noso compromiso é firme e seguirá sendo a nosa guía”, concluíu.
Pola súa banda, Sandra Fernández, concelleira de Igualdade, apuntou que con estas actividades buscan “crear un lugar de encontro onde as mulleres poidan compartir experiencias sen prexuízos”.
“Este ano, con motivo do 8M, quixemos poñer o foco na saúde feminina para romper tabús e promover que todas as mulleres teñan acceso á información necesaria para coidar do seu benestar”, indicou Fernández.
“Con estas actividades queremos animar a todas a participar a informarse e coidarse, que tamén é un acto de empoderamento, para seguir avanzando cara unha sociedade máis igualitaria”, rematou.
Sufríao este venres cando se dirixía ao pregón de Entroido. Foi trasladada ao Hula e horas máis tarde ao CHUAC da Coruña onde perdía a vida a primeira hora da mañá deste sábado. Tiña 63 anos. D.E.P.
A embarcación soltouse e foi arrastrada pola corrente. Acabou ardendo por completo e afundindo. Varios alertadores informaron ao 112 Galicia dos feitos desde terra. Pasaban escasos minutos das 2 horas desta madrugada cando un particular alertou ao 112 Galicia dunha planadora que comezaba a arder polo motor. A embarcación permanecía fondeada a carón do porto de Cariño, pero pouco despois acabou por soltarse. Os equipos de emerxencias seguiron a situación en todo momento, descartando calquera situación de perigo para a navegación ou a presenza de calquera tipo de vertedura. No operativo participaron Salvamento Marítimo, o Servizo de Gardacostas de Galicia, o GES de Ortigueira e os axentes da Garda Civil.
Así, no encontro prestouse especial atención ao que ten que ver coa dinamización cultural, a conservación do patrimonio ou mesmo ou accións enfocadas á lingua e á xuventude. Con esta xuntanza, o representante da Xunta continúa coa rolda de contactos cos responsables dos distintos concellos galegos para escoitar de primeira man as súas necesidades no marco das súas competencias.
Está organizado polo alumnado de II BACH do IES Marqués de Sargadelos en colaboración coa oficina de voluntariado xuvenil. Será este sábado 28, a partir das 19:00 horas na Praza dos Campos, con música, bingo, sobremesas, palomitas, chocolate... e moitas sorpresas.
Alí, salientou o papel deste evento como dinamizador do sector cárnico galego e a súa contribución á hora de xerar emprego no rural. Ademais, o director da Axencia destacou a gran calidade dos produtos agroalimentarios galegos, neste caso o butelo, un produto tradicional da gastronomía galega. Este ano, a Feira do Butelo da Fonsagrada reúne a máis de 60 expositores nos que ademais de produtos cárnicos, tamén se poden atopar outros como queixos, meles ou doces, entre outros.
Os propietarios de 2barbers son José Rodríguez Fernández, natural de Vegadeo, e Sara Rodríguez López, de Madrid, e agora residente en Ribadeo. Están moi contentos por lograr este premio.
Durante o emotivo encontro, o rexedor trasladoulle o agarimo de todo o municipio, destacando a importancia de celebrar a vida e a experiencia das persoas maiores: “É unha honra para o Concello de Trabada compartir este momento tan especial con Tomasa. O seu século de vida é testemuño da nosa historia e do noso sentir comunitario. En nome de toda a veciñanza, desexámoslle moitísima felicidade e saúde”, sinalou Rubén García. Como mostra de recoñecemento, a concelleira e o alcalde fixeron entrega a Tomasa dunha placa conmemorativa e dun ramo de flores. Desde o Concello de Trabada destacan o compromiso de seguir a render homenaxe ás persoas maiores, verdadeiros alicerces da identidade e da memoria colectiva do municipio.
