A serie de animación musical en galego ‘Bibopalula’ completa a súa primeira temporada co lanzamento dos últimos 15 episodios este venres en Xabarín.gal e na aplicación de Xabarín. Esta produción, dirixida a nenas e nenos de 3 a 6 anos, combina música orixinal e narrativas que fomentan a aprendizaxe sobre a natureza, a amizade e a lingua galega
A Coruña, 27 de febreiro de 2025. ‘Bibopalula’ segue as aventuras da Banda do Bosque, formada por catro paxaros: Robin, Merli, Pegui e Carpin. En cada episodio, descobren fenómenos naturais e aprenden cousas novas, que plasman nas súas cancións orixinais en galego, compostas por Santi Jul e Iván Laxe.
Os novos capítulos permitirán ás máis pequenas e pequenos coñecer novos pesonaxes e desfrutar de máis cancións. Robin, Carpin, Merli e Pegui enfrontaranse desta vez a enigmas como unha cova que fala, a volta do Titanic ao bosque, ou a busca da canción favorita do Señor Moucho. Tamén vivirán momentos emotivos, como a despedida das andoriñas rumbo a África. No último episodio todos os paxaros tentarán compoñer unha canción xuntos.
A serie foi creada por Laura Mahía e Andrés Mahía, e producida pola compañía galega Undodez en colaboración coa Televisión de Galicia, contando co apoio da Xunta de Galicia. Desde a súa estrea o 29 de novembro de 2024, ‘Bibopalula’ consolidouse como o contido máis visto na plataforma Xabarín.gal, alcanzando a miles de nenos e nenas grazas a unha completa campaña de promoción que incluíu publicidade exterior, presenza en medios de comunicación e participación en eventos como o Culturgal, partidos do Deportivo e o Celta, e a cabalgata de Reis Magos na Coruña.
Ademais dos episodios, ‘Bibopalula’ expandiuse máis alo das pantallas coa publicación dun libro infantil, unha colección de roupa e a dispoñibilidade de todas as cancións da Banda do Bosque en Youtube e nas principais plataformas de audio. Recentemente, parte do equipo asistiu a un destacado mercado de contidos de animación en San Diego, California, onde a serie espertou o interese de distribuidoras e canles internacionais.
Os novos episodios xa están dispoñibles en Xabarín.gal en a aplicación de Xabarín.
Sufríao este venres cando se dirixía ao pregón de Entroido. Foi trasladada ao Hula e horas máis tarde ao CHUAC da Coruña onde perdía a vida a primeira hora da mañá deste sábado. Tiña 63 anos. D.E.P.
A embarcación soltouse e foi arrastrada pola corrente. Acabou ardendo por completo e afundindo. Varios alertadores informaron ao 112 Galicia dos feitos desde terra. Pasaban escasos minutos das 2 horas desta madrugada cando un particular alertou ao 112 Galicia dunha planadora que comezaba a arder polo motor. A embarcación permanecía fondeada a carón do porto de Cariño, pero pouco despois acabou por soltarse. Os equipos de emerxencias seguiron a situación en todo momento, descartando calquera situación de perigo para a navegación ou a presenza de calquera tipo de vertedura. No operativo participaron Salvamento Marítimo, o Servizo de Gardacostas de Galicia, o GES de Ortigueira e os axentes da Garda Civil.
Así, no encontro prestouse especial atención ao que ten que ver coa dinamización cultural, a conservación do patrimonio ou mesmo ou accións enfocadas á lingua e á xuventude. Con esta xuntanza, o representante da Xunta continúa coa rolda de contactos cos responsables dos distintos concellos galegos para escoitar de primeira man as súas necesidades no marco das súas competencias.
Alí, salientou o papel deste evento como dinamizador do sector cárnico galego e a súa contribución á hora de xerar emprego no rural. Ademais, o director da Axencia destacou a gran calidade dos produtos agroalimentarios galegos, neste caso o butelo, un produto tradicional da gastronomía galega. Este ano, a Feira do Butelo da Fonsagrada reúne a máis de 60 expositores nos que ademais de produtos cárnicos, tamén se poden atopar outros como queixos, meles ou doces, entre outros.
Os propietarios de 2barbers son José Rodríguez Fernández, natural de Vegadeo, e Sara Rodríguez López, de Madrid, e agora residente en Ribadeo. Están moi contentos por lograr este premio.
Durante o emotivo encontro, o rexedor trasladoulle o agarimo de todo o municipio, destacando a importancia de celebrar a vida e a experiencia das persoas maiores: “É unha honra para o Concello de Trabada compartir este momento tan especial con Tomasa. O seu século de vida é testemuño da nosa historia e do noso sentir comunitario. En nome de toda a veciñanza, desexámoslle moitísima felicidade e saúde”, sinalou Rubén García. Como mostra de recoñecemento, a concelleira e o alcalde fixeron entrega a Tomasa dunha placa conmemorativa e dun ramo de flores. Desde o Concello de Trabada destacan o compromiso de seguir a render homenaxe ás persoas maiores, verdadeiros alicerces da identidade e da memoria colectiva do municipio.
No acto houbo música e poesía. Eli García-Bouso e Toño Martínez prepararon para a ocasión unha versión musicada do poema rosaliano. Tamén se leron outros versos da poeta de Iria Flavia. Un grupo de nenos e nenas, xunto coas súas nais, leron o poema "Miña casiña meu lar". A directiva da Agrupación está moi leda polo resultado desta xornada. "Cremos que é unha actividade que veu para quedar entre nós"
