Ana Pontón reunirase este xoves en Lourenzá cos produtores e e produtoras de faba

Será no salón de actos do concello ás 11:00

A Mariña, martes 4 de febreiro. A situación que está atravesando o sector da faba na Mariña é preocupante. Este ano os produtores perderon máis do 80% da colleita, dado que as condicións climáticas, especialmente a humidade e a calor provocaron a aparición de moitas enfermidades e plagas.

En Galicia prodúcese o 30% da leguminosa de todo o estado e a principal comarca produtora de faba é a Mariña.

Ante esta problemática que ademais de Lourenzá afecta a varios concellos produtores da A Mariña, a portavoz nacional do BNG Ana Pontón reunirase co sector este xoves 6 de febreiro ás 11:00 no salón de actos do concello laurentino. Acompañarán á portavoz nacional o deputado mariñao Daniel Castro, as deputadas no Parlamento responsables de asuntos de medio rural Sonia Vidal e Montse Valcárcel, o deputado de Medio Rural da Deputación de Lugo Daniel García e o responsable comarcal Antonio Veiga.