Ribadeo, 27 de febreiro de 2025. Acisa Ribadeo pon a disposición dos seus asociados e asociadas novos materiais gratuítos para hostalería. Trátase de 16.500 bolsas de comida para levar. Na presentación participaron a presidenta e o xerente da asociación, Carmen Cruzado e Jesús Pérez, e a concelleira de Comercio e Turismo, Marta Saiz.
A presidenta de Acisa, Carmen Cruzado, subliñou que “o investimento realizado nestas 16.500 bolsas de comida para levar está preto dos 6.000 euros, que podemos realizar con fondos propios e coa colaboración do Concello de Ribadeo. Desde Acisa facemos un esforzo moi importante para dotar aos nosos asociados e asociadas deste material de xeito totalmente gratuíto, porque creemos e temos acreditada a súa gran utilidade e por iso priorizamos estas accións na nosa programación. Entendemos que estamos diante dunha grande vantaxe para que os novos negocios que deciden instalarse en Ribadeo valoren o feito de asociarse a Acisa”.
Cruzado Iglesias indicou que “estes materiais que, desde a Asociación de Comerciantes, Industriais, Servizos e Autónomos, entregamos aos negocios socios son un complemento aos seus propios. O que queremos facer con estas inversións é que as nosas asociadas e asociadas reduzan os seus gastos na medida destas posibilidades, que lles chegan en forma de bolsas, envases ou vasos térmicos”.
O xerente do colectivo empresarial ribadense, Jesús Pérez, explicou que “Acisa pon un ano mais novos materiais gratuítos a disposición dos seus socios e socias. Nesta ocasión trátase de 16.500 bolsas para comida para levar. Desde Acisa quixemos repetir este esforzo especial para poder axudarlle á hostalería pensando en dispoñer deles todo o ano. Por este motivo poñemos á súa disposición estas bolsas, xa que son materiais moi empregados e demandados por todo o sector. Ademais este ano, estreamos un novo deseño e eslogan que esperamos que lles guste tanto á veciñanza coma aos visitantes, e que é un adianto doutros novos deseños que formarán parte das imaxes de Acisa neste 2025”.
Ampliacións horarias para o Antroido
A presidenta de Acisa, Carmen Cruzado, aludiu ás ampliacións horarias das que gozará a hostalería este Antroido: “parécenos moi interesante poder ofrecerlle este servizo aos nosos asociados e asociadas, deste xeito dáselles a oportunidade de poder traballar mais horas durante estas datas onde as ceas de amigos e de familia son moitas e as ganas de festexar e celebrar son aínda mais. Así tamén a veciñanza poderá gozar de mais horas de lecer na nosa hostalería. Queremos animar ás veciñas e veciños de Ribadeo e da nosa contorna e aos turistas que nos visitan a desfrutar do Antroido na hostalería ribadense, que ten moito que ofrecer, tamén polas noites, onde atopamos locais cun ambiente impecable, con persoal cualificado e trato amable, e por iso animamos a todas e todos a gozar do Antroido en Ribadeo, nos seus locais e nas súas terrazas”.
E lembrou que “ata o 9 de marzo temos en marcha en 17 locais hostaleiros as Xornadas Gastronómicas do Antroido, con produtos doces e salgados, que farán as delicias de todas e todos nós”.
O xerente de Acisa, Jesús Pérez, dixo que “con estas ampliacións horarias os locais hostaleiros gozarán de 2 horas mais de apertura sobre o seu horario habitual de licenza. As ampliacións son as seguintes: os bares e cafeterías poderán pasar de pechar ás 02:30 a facelo ás 04:30 horas, as discotecas e salas de festas pasan, si así o desexan, das 06:00 ás 08:00 e os pubs das 04:00 ás 06:00 da madrugada. Os establecementos de hostalería asociados a Acisa Ribadeo contarán con dúas horas mais sobre a licenza habitual de peche todas as madrugadas dende o 27 de febreiro ata o 5 de marzo con motivo do Antroido. Estas ampliacións favorecerán ao sector asociado para poder espremer ao máximo estes días de gran actividade económica”.
Formación gratuíta
Pérez Prada lembrou que “seguimos ademais ofrecendo formacións en liña e 100% gratuítas, para autónomos e traballadores asociados, subvencionadas polo Ministerio de Educación e Formación Profesional., co fin de mellora o nivel de profesional dos mesmos. Trátanse de diferentes cursos que Acisa ofrece a través de APE Galicia para o sector de comercio, hostalería e servizos, en diferentes ámbitos como atención ao cliente, xestión de negocios, aplicacións informáticas e webs, técnicas especificas por sector …. Desde inicios de ano ofrecéronse xa 10 edicións diferentes, ás que ao longo dos próximos meses engadiranse máis. Sen dúbida este novo servizo ofrecido por Acisa é moi interesante e útil, e cremos que pode ser un bo reclamo para que máis negocios se adhiran ao noso colectivo e se poidan beneficiar deles, así como de todos os servizos que ofrecemos”.
Sufríao este venres cando se dirixía ao pregón de Entroido. Foi trasladada ao Hula e horas máis tarde ao CHUAC da Coruña onde perdía a vida a primeira hora da mañá deste sábado. Tiña 63 anos. D.E.P.
A embarcación soltouse e foi arrastrada pola corrente. Acabou ardendo por completo e afundindo. Varios alertadores informaron ao 112 Galicia dos feitos desde terra. Pasaban escasos minutos das 2 horas desta madrugada cando un particular alertou ao 112 Galicia dunha planadora que comezaba a arder polo motor. A embarcación permanecía fondeada a carón do porto de Cariño, pero pouco despois acabou por soltarse. Os equipos de emerxencias seguiron a situación en todo momento, descartando calquera situación de perigo para a navegación ou a presenza de calquera tipo de vertedura. No operativo participaron Salvamento Marítimo, o Servizo de Gardacostas de Galicia, o GES de Ortigueira e os axentes da Garda Civil.
Así, no encontro prestouse especial atención ao que ten que ver coa dinamización cultural, a conservación do patrimonio ou mesmo ou accións enfocadas á lingua e á xuventude. Con esta xuntanza, o representante da Xunta continúa coa rolda de contactos cos responsables dos distintos concellos galegos para escoitar de primeira man as súas necesidades no marco das súas competencias.
Está organizado polo alumnado de II BACH do IES Marqués de Sargadelos en colaboración coa oficina de voluntariado xuvenil. Será este sábado 28, a partir das 19:00 horas na Praza dos Campos, con música, bingo, sobremesas, palomitas, chocolate... e moitas sorpresas.
Alí, salientou o papel deste evento como dinamizador do sector cárnico galego e a súa contribución á hora de xerar emprego no rural. Ademais, o director da Axencia destacou a gran calidade dos produtos agroalimentarios galegos, neste caso o butelo, un produto tradicional da gastronomía galega. Este ano, a Feira do Butelo da Fonsagrada reúne a máis de 60 expositores nos que ademais de produtos cárnicos, tamén se poden atopar outros como queixos, meles ou doces, entre outros.
Os propietarios de 2barbers son José Rodríguez Fernández, natural de Vegadeo, e Sara Rodríguez López, de Madrid, e agora residente en Ribadeo. Están moi contentos por lograr este premio.
Durante o emotivo encontro, o rexedor trasladoulle o agarimo de todo o municipio, destacando a importancia de celebrar a vida e a experiencia das persoas maiores: “É unha honra para o Concello de Trabada compartir este momento tan especial con Tomasa. O seu século de vida é testemuño da nosa historia e do noso sentir comunitario. En nome de toda a veciñanza, desexámoslle moitísima felicidade e saúde”, sinalou Rubén García. Como mostra de recoñecemento, a concelleira e o alcalde fixeron entrega a Tomasa dunha placa conmemorativa e dun ramo de flores. Desde o Concello de Trabada destacan o compromiso de seguir a render homenaxe ás persoas maiores, verdadeiros alicerces da identidade e da memoria colectiva do municipio.
