No día de mañá, 11 de febreiro, está convocada unha mesa de contratación urxente na que se aprobará o arrendamento do inmoble
A tenenta de alcaldesa e responsable da Concellería de Parques e Xardíns, Miriam Bermúdez, amósase “satisfeita de que se lograse, despois de moito tempo, unha solución óptima para a parrillada do parque, cun contrato a 15 anos”.
“A cantina levaba 4 anos pechada, polo que é unha excelente noticia que volva entrar en funcionamento despois de que se efectuase a licitación”, engadiu Bermúdez.
Mañá, 11 de febreiro, terá lugar a xuntanza da mesa de contratación do Concello, convocada de xeito urxente. Nela aprobaranse as actas da anterior sesión, incluíndo o arrendamento do edificio do parque a David Gorgoso Prado.