A Mariña, 28 de febreiro, 2025. A CIG vén de convocar sete xornadas de folga en Vestas Eólica en demanda de condicións laborais e salariais dignas e en resposta á falta de avances na negociación do convenio colectivo pola postura inmobilista da empresa. A folga afecta a todos os traballadores e traballadoras dos centros que Vestas ten en Galiza (A Coruña, Viveiro e A Estrada) e desenvolverase os días 10, 14, 17, 21, 24, 28 e 31 de marzo, das 00h ás 24h.
Coincidindo co primeiro día de paro, a CIG tamén ten convocada unha concentración nas instalacións de Vestas en Chavín, Viveiro.
Despois de diversas reunións coa empresa, que manobrou para esgotar os prazos e tentar que o convenio decaia, as conversas están estancadas porque a dirección teima nunha “non negociación”. “A actitude da empresa é de imposición, presentándonos unha proposta de peche sen ter negociado nada, polo menos cos sindicatos que non temos a maioría”.
Os delegados da CIG denuncian que Vestas Eólica busca recortar dereitos e afondar no deterioro das condicións laborais “cun convenio que empeora o anterior e que, ao igual que no pasado, volvería provocar a perda do poder adquisitivo dos nosos salarios”.
Fronte a isto, para este III Convenio de Vestas Eólica (que regula o conxunto do persoal empresa no Estado español) a CIG reclama melloras salariais, manter beneficios sociais como a flexibilidade para o persoal de oficina, que haxa unha revalorización salarial para o persoal de campo, a contención e redución das xornadas anuais, e melloras nas gardas, os reténs e as horas TOD – Tempo Ordinario Dispoñíbel-.
Así mesmo, que a flexibilidade teña un carácter voluntario e que estea remunerada de acordo co esforzo que implica para as persoas traballadoras e os problemas que carrexa para a conciliación da vida laboral e familiar, nun sector no que, ademais, son frecuentes os desprazamentos fóra da propia provincia.
Estas propostas, apunta a representación da CIG, son perfectamente asumíbeis pola empresa, tendo en conta que nos anos 2023 e 2024 obtivo beneficios. Por iso, reclámanlle á dirección que presente propostas sobre as que realmente se poida negociar e que garanta unhas condicións de traballo e salariais dignas.
Sufríao este venres cando se dirixía ao pregón de Entroido. Foi trasladada ao Hula e horas máis tarde ao CHUAC da Coruña onde perdía a vida a primeira hora da mañá deste sábado. Tiña 63 anos. D.E.P.
A embarcación soltouse e foi arrastrada pola corrente. Acabou ardendo por completo e afundindo. Varios alertadores informaron ao 112 Galicia dos feitos desde terra. Pasaban escasos minutos das 2 horas desta madrugada cando un particular alertou ao 112 Galicia dunha planadora que comezaba a arder polo motor. A embarcación permanecía fondeada a carón do porto de Cariño, pero pouco despois acabou por soltarse. Os equipos de emerxencias seguiron a situación en todo momento, descartando calquera situación de perigo para a navegación ou a presenza de calquera tipo de vertedura. No operativo participaron Salvamento Marítimo, o Servizo de Gardacostas de Galicia, o GES de Ortigueira e os axentes da Garda Civil.
Así, no encontro prestouse especial atención ao que ten que ver coa dinamización cultural, a conservación do patrimonio ou mesmo ou accións enfocadas á lingua e á xuventude. Con esta xuntanza, o representante da Xunta continúa coa rolda de contactos cos responsables dos distintos concellos galegos para escoitar de primeira man as súas necesidades no marco das súas competencias.
Alí, salientou o papel deste evento como dinamizador do sector cárnico galego e a súa contribución á hora de xerar emprego no rural. Ademais, o director da Axencia destacou a gran calidade dos produtos agroalimentarios galegos, neste caso o butelo, un produto tradicional da gastronomía galega. Este ano, a Feira do Butelo da Fonsagrada reúne a máis de 60 expositores nos que ademais de produtos cárnicos, tamén se poden atopar outros como queixos, meles ou doces, entre outros.
Os propietarios de 2barbers son José Rodríguez Fernández, natural de Vegadeo, e Sara Rodríguez López, de Madrid, e agora residente en Ribadeo. Están moi contentos por lograr este premio.
Durante o emotivo encontro, o rexedor trasladoulle o agarimo de todo o municipio, destacando a importancia de celebrar a vida e a experiencia das persoas maiores: “É unha honra para o Concello de Trabada compartir este momento tan especial con Tomasa. O seu século de vida é testemuño da nosa historia e do noso sentir comunitario. En nome de toda a veciñanza, desexámoslle moitísima felicidade e saúde”, sinalou Rubén García. Como mostra de recoñecemento, a concelleira e o alcalde fixeron entrega a Tomasa dunha placa conmemorativa e dun ramo de flores. Desde o Concello de Trabada destacan o compromiso de seguir a render homenaxe ás persoas maiores, verdadeiros alicerces da identidade e da memoria colectiva do municipio.
No acto houbo música e poesía. Eli García-Bouso e Toño Martínez prepararon para a ocasión unha versión musicada do poema rosaliano. Tamén se leron outros versos da poeta de Iria Flavia. Un grupo de nenos e nenas, xunto coas súas nais, leron o poema "Miña casiña meu lar". A directiva da Agrupación está moi leda polo resultado desta xornada. "Cremos que é unha actividade que veu para quedar entre nós"
