Deuse a despedida ao ano 2024 e a benvida ao 2025.
ÚLTIMA HORA
- Cervo concilia no Nadal
- Isabel Rodríguez pon en valor o apoio do Goberno ás bibliotecas públicas da provincia destinando máis de 8.300 euros aos concellos de Vilalba, Sober e Ribadeo
- Burela prepárase para a súa cabalgata de Reis, que incluirá rosconada, chocolatada e diversas actividades
- Os establecementos hosteleiros de Viveiro poderán pagar de xeito fraccionado a taxa de uso de terrazas
- Cervo concilia no Nadal
Este venres as crianzas comeron roscón de reis e desfrutaron de Pintacaras. - Os Reis Magos, recén chegados a Ribadeo, fixeron a súa primeira parada este venres na residencia de maiores e no centro de día
Os Magos de Oriente levaron a ilusión ás usuarias e usuarios destas instalacións, entregáronlles caramelos e charlaron con eles. Será xa na noite do 5 ao 6 de xaneiro cando os Reis Magos retornen para deixar nalgún lugar da residencia o agasallo do Concello de Ribadeo: un collarín, que poderán empregar para os seus desprazamentos en coche ou para ver a televisión comodamente no sofá. Tamén reciben este presente as persoas usuarias do centro de día e do SAF e as residentes en La Villa Hogar e en Mirador del Eo. Xunto a Melchor, Gaspar e Baltasar estivo a concelleira de Benestar Social, Elena Sierra. - Xove programa numerosas actividades para a infancia esta fin de semana
O sábado celebra o Día da Infancia: de 10:30 a 13:30 h e de 16:30 a 19:30 h con xogos acuáticos na piscina municipal, a e a partir das 16:00 h con inchables no pavillón municipal de deportes. O Domingo 5, a partir das 19:00 h as Súas Maxestades os Reis Magos de Oriente, chegan a Xove na tradicional Cabalgata de Reis, despois de visitar a Residencia San Bartolomeu. Chegarán arredor das 20:00 h ó pavillón municipal, onde comezará unha festa para nenas e nenos coa animación infantil de Disco móbil. - Os Reis Magos chegarán este domingo a Ortigueira a través do mar e recibirán aos nenos e nenas no Claustro da Casa do concello
Ao redor das 18:30 está prevista a chegada de Melchor, Gaspar e Baltasar ao Porto Deportivo, desde onde serán trasladados por Protección Civil á Oficina de Turismo de Lagarea. No punto de atención turística estaranlle a esperar os paxes e as carrozas para iniciar a tradicional cabalgata, que terá o percorrido habitual de Avenida Escola de Gaitas, Penela, Rúa Eugenio López, Tres Farois e a Praza de Isabel II. Unha vez a comitiva real chegue á céntrica praza, a Casa do concello abrirá as súas portas para que os Reis Magos reciban aos nenos e nenas de Ortigueira no claustro e escoiten os seus últimos desexos. - A asociación Camiña incorpora novas tecnoloxías grazas ao apoio da Fundación Once
A asociación Camiña adquiriu un ordenador de mesa grazas a subvención concendida pola Fundación ONCE, que apoia proxectos destinados a creación, remodelación e expansión de centros que promoven a atención e a mellora da calidade de vida de persoas con diversidade funcional. Este novo material será utilizado para traballar cos rapaces e rapazas que acoden ao centro e así achegarse un pouquiño mais ás novas tecnoloxías, cada vez mais importantes na nosa vida diaria. - Nova centenaria en Cervo
Trátase de Mercedes Fernández. A alcaldesa, Dolores García Caramés, quixo felicitala en persoa e compartir uns intres con ela e a súa familia, e como mostra de agarimo entregoulle un ramo de flores. - A Igrexa de Meira vibrará o 4 de xaneiro cos sons de Abraham Cupeiro grazas á Deputación
A institución provincial colabora con este evento único, no que se inclúe un primeiro pase ás 18:00 horas e un segundo ás 20:00 horas, cunha achega económica de 3.500€.
2021 Crónica 3 A Mariña - Implementado por GaliciaDigital