Viveiro, 13 de xaneiro de 2025. A Tenencia de Alcaldía de Viveiro informa de que permanece activa a campaña ‘Compostaxe rural’, que permite á veciñanza do municipio solicitar composteiros de xeito gratuíto.
A tenenta de alcaldesa Míriam Bermúdez sinala que esta iniciativa pretende “impulsar a compostaxe individual en vivendas unifamiliares, promovendo a xestión autónoma dos residuos orgánicos”.
“A compostaxe é unha práctica tradicional enraizada no rural galego, e estes composteiros permiten optimizala para contribuír no máximo posible á sustentabilidade e á economía local”, engade Bermúdez.
A campaña permitirá repartir ata 200 composteiros de balde a fogares situados en vivendas illadas con parcela ou horta de polo menos 25 m². 46 destes composteiros foron solicitados dende o inicio do programa.
As persoas interesadas en recibilos poden solicitalo a través do número de teléfono 697 162 637, o correo electrónico viveirosostible@fcc.es ou o formulario en liña dispoñible no sitio web do Concello.
Os composteiros, con capacidade de 400 litros, deberán ser colocados no exterior das vivendas, preferentemente nunha zona sombreada e protexida das inclemencias do tempo, como debaixo dunha árbore de folla caduca, e en contacto directo coa terra para facilitar a entrada de microorganismos descompoñedores.
Na primeira visita ao domicilio faise entrega do colector individual cedido polo Concello, e procédese a instalar no espazo que cumpra as características necesarias. Ademais facilítase unha formación ao usuario para o seu correcto manexo.
Aproximadamente 3 meses máis tarde realízase unha segunda visita ao domicilio co obxectivo de facilitar asesoramento ao usuario, resolver posibles dúbidas, e supervisar que o manexo do material cedido sexa correcto.
A Guía Oficial de Turismo Ana Pena comeza o ano propoñendo novas visitas guiadas na Mariña. A do próximo domingo 19 de xaneiro ás 10h terá lugar no concello de Ribadeo. Máis concretamente será a Senda Azul, un interesante percorrido entre o Muíño das Aceas e o Faro de Illa Pancha, que pasa por lugares de importancia como a ría de Ribadeo, a Praia dos Bloques, a zona portuaria, ou o parque etnográfico do Cargadoiro, entre outros. A ruta ten unha extensión de 10km cunha dificultade baixa e poden asistir mascotas. O prezo é de 10€ persoa e as reservas poden facerse no 654 99 68 57.
O presunto autor accedeu ao interior dunha vivenda, propiedade dun familiar, situada na localidade de Ribadeo. Para iso utilizou unhas chaves lexitimas obtidas de maneira ilícita, subtraendo do interior do inmoble unha cartilla bancaria e diversas xoias, as cales foron recuperadas nun establecemento especializado en merca-venda de ouro. Así mesmo, o infractor utilizou o documento bancario subtraído para realizar tres reintegros, en distintas datas do pasado mes de decembro, por un importe total de 1.200 euros. A persoa detida e as dilixencias policiais foron postas ao dispor xudicial.
Seguindo o costume dos últimos anos, a entrega correu a cargo do alumnado de Vírgula, que os deleitou cun marabilloso concerto de panxoliñas, e os do Bosque Animado, que, ademáis, lles entregaron unhas fermosas postales pintadas a man por eles. Todos xuntos gozaron deste encontro.
Será o sábado, 18 de xaneiro, no Auditorio Municipal.
Os feitos delituosos tiveron lugar o pasado mes de novembro, cando supostamente a persoa investigada substraeu unha bicicleta no termo municipal de Ribadeo. Como resultado da investigación policial logrouse recuperala, sendo entregada en depósito ao seu lexítimo propietario, quedando ao dispor da Autoridade Xudicial.
O conselleiro do Mar visitou na alameda a foodtruck da campaña Galicia sabe Amar.
O acto está organizado pola A.C. Francisco Lanza. Presentará ao autor Suso Fernández Acevedo (profesor de Lingua e Literatura Galegas no IES de Ribadeo Dionisio Gamallo). Nesta segunda entrega, Marwán, fillo de Ianes O Galego, comeza unha nova vida acollido polos xudeus de Munt Sáluti ata que emprende camiño a Mérida. Alí, grazas aos seus contactos e á súa competencia, entra ao servizo da administración amiral e vai subindo na escala ata chegar a ser nomeado valí ou gobernador dunha cidade adoito insubmisa e levantadiza contra o poder de Córdoba.
